+०५७-५२६८३०, ९८५५०-६८२२७
logo
सम्पादकीय

प्रदेशका लागि अबका चुनौती



सम्पादकीय   203 पटक पढिएको   सम्पादकीय     

मुलुकको नयाँ संरचना अनुसार बनेका सातवटै प्रदेशको प्रदेश सभा पहिलो वैठक सकिएका छन् । निकै चासो र कौतुहलता बीच यी वैठकहरु सहज रुपमा सम्पन्न भएको छ । दुई नम्बर प्रदेशमा भने केही विवाद जस्तो देखिएको थियो भने अन्य प्रदेशमा बिना विवाद वैठकहरु भएका छन् । सुरुका वैठकको मात्रै मुल्याङ्कन गर्ने हो भने दलहरु आगामी दिनमा नयाँ संरचनालाई सहज रुपमा सन्चालन गर्न तयार देखिएका छन् ।

२ नम्बर प्रदेशमा भने सपथ ग्रहणका दिन भाषाको विवाद देखियो भने पहिलो वैठकमा सहिदको तस्विरले केहीबेर होहल्ला भएको छ । यसले के संकेत गर्दछ भने अन्य प्रदेशमा भन्दा भोली पनि २ नम्बर प्रदेशमा वैठक सन्चालनका लागि पक्कै पनि चुनौती हुने देखिन्छ । हुन त हिजोको दिनमा ज–जसले संविधान सभा वा प्रतिनिधि सभामा अवरोधदेखि तोडफोडसम्म गरे उनीहरु नै अबको केन्द्रिय संसददेखि प्रदेशमा सत्तापक्ष बनेका छन् । त्यसैले पनि आगामी दिनका वैठकहरु तुलनात्मक रुपमा सहज हुने आकलन गर्न सकिन्छ ।

देशमा लामो संक्रमणपछि प्रदेश सभा गठन भएको छ । त्यसैले पनि अब प्रदेश संसदले ठुला चुनौतीको सामना गर्नुपर्ने हुन्छ । ती चुनौतीलाई समस्या भन्दा पनि अवसरका रुपमा उपयोग गर्न सक्नु पर्दछ । जनअधिकारदेखि विकासमा तत्कालिन एकात्मक शासन पद्दति बाधक बन्यो भन्दै राज्य पुनर्संरचना गरिएको हो । त्यसैले अब जन आकांक्षा असीमित बनेको अवस्था छ । हिजोको राज्यसत्ता र व्यवस्थाको विरोध गर्ने क्रममा जनताका आकांक्षालाई चुचुरोमा पु¥याउने काम परिवर्तनका पक्षधर दलहरुले गरेकै हुन् । जनताका आकांक्षामा मलजल गर्न जति सजिलो थियो अब पुरा गराउन त्यति नै चुनौतीहरु देखिने छन् । जनताले जुनसुकै रुपमा भए पनि केन्द्र र स्थानीय तहको सेवा विगतमा पाएका छन् । त्यसैले केन्द्र र स्थानीय तह भन्दा पनि नयाँ संरचनाका रुपमा खडा भएको प्रदेश सरकारबाट बढी अपेक्षा राख्ने छन् । यसै कुरालाई हेक्का राखेर प्रदेश संसद र सरकारले काम गर्नुपर्ने हुन्छ ।

प्रदेशको पहिलो वैठक त सहज वातावरणमा नै सकिएको छ । तर आगामी वैठकहरु पक्कै पनि सहज हुने छैनन् । सबैभन्दा पेचिलो मुद्दा बन्ने छ प्रदेश राजधानी । सबै जिल्लाका सबै दलका नेताहरुले प्रदेश राजधानी आफ्नै जिल्लामा ल्याउने वाचा गरेर मत मागेका छन् । त्यतिबेला के उपयुक्त हुन्छ भन्दा पनि के भन्दा जनताले आफुलाई भोट दिन्छन् भन्ने कुरामा विशेष ध्यान दिएका थिए । तर अब वास्तविकताको धरातलमा ओर्लिएपछि संकटको सामना गर्न तयार हुनै पर्दछ । जहाँ प्रदेश केन्द्र रहन्छ, त्यहाँका जनताले खुशी व्यक्त गर्लान् तर अन्य जिल्लामा हिजोदेखि नै बलेको आगो थप दन्किन बेर लाग्ने छैन । जे जस्तो भए पनि कामचलाउन सरकारले कामचलाउन केन्द्र तोक्दा त ठूलो दवाव खेप्नु परिरहेको छ भने भोलि प्रदेश सभाबाट निर्णय भएको अवस्था पक्कै पनि सहज हुने छैन । यस्तै प्रदेश केन्द्रको व्यवस्थापन अर्को चुनौती हो । प्रदेशका लागि आवश्यक पर्ने सबैखाले भौतिक पूर्वाधारको विकासदेखि सेवा विस्तार गर्नु र जनअधिकार सहितका कानूनी व्यवस्था पनि प्रदेश संसद र सरकारकै जिम्मेवारी हो । यस्ता अनेक चुनौतीलाई अवसरका रुपमा लिन सक्नु पर्दछ । यसका लागि दल र नेताहरु विवेकी र संवेदनशील बन्नै पर्दछ ।






सम्बन्धित शिर्षक समाचारहरु
युवा कैदीबन्दी र जिम्मेवारी
दबावका स्वरुप परिवर्तन गरौं
सडक पेटी पनि खाली गरौं
युवाका लागि सुरक्षित स्थान
व्यवसायीको दोहोरो मापदण्ड
आगलागीको सन्देश
अधिकार सुनिश्चित हुनै पर्छ
दक्षताका लागि कर्मचारीको तालिम
खर्चिलो व्यवस्थापन
अधिकार सहितको जिससको माग



  • राष्ट्रिय योजना आयोगको टोलीसंग छलफल

    हेटौंडा, ३१ साउनः ३ नम्बर प्रदेश सरकारले राष्ट्रिय योजनाका आयोगको टोली संग आज छलफल गरेको छ ।
    राजनीति
    65     समाज संवाददाता
  • युवा कैदीबन्दी र जिम्मेवारी

    अपराधका घटनामा मकवानपुरका युवाहरुको सहभागिता बढी देखिएको छ । २१ वर्षदेखि ३० वर्ष भित्रका युवाहरु बढी मात्रामा लागुपदार्थ प्रयोग तथा कारोबारमा संलग्न भएका छन् भिमफेदी कारागारमा रहेका कैदीबन्दी मध्ये मकवानपुरका सबैभन्दा बढी छन् । ८ सय १० जना कैदीबन्दी मध्ये ३ सय २७ जना त मकवानपुरका छन् ।
    सम्पादकीय
    2     सम्पादकीय
  • मन्त्रीपरिषद्द्वारा ३ कार्यविधि स्विकृत

    हेटौंडा, ३१ साउनः ३ नम्बर प्रदेशको मन्त्रीपरिषद् बैठक बुधबार बसेको छ । वैठकले ३ वटा कार्यविधिलाई स्विकृत गरेको हो ।
    राजनीति
    3     समाज संवाददाता
  • कार्यक्रमको समीक्षा

    हेटौंडा, १४ पुसः नेपाल ग्रामीण पुनर्निर्माण संस्था (आरआरएन) ले सञ्चालन गरिरहेको कार्यक्रमको वार्षिक समीक्षा गरेको छ । जिल्ला समन्वय समिति मकवानपुरको सभाकक्षमा बिहीबार जिल्ला समन्वय समितिकी उपप्रमुख भगवती पुडासैनीको अध्यक्षतामा समीक्षा कार्यक्रम भएको हो । आरआरएनका कार्यक्रम अधिकृत भीम राईले वर्षभर सञ्चालित कार्यक्रमका बारेमा जानकारी गराउनुभएको थियो । किशोर/किशोरीलाई सशक्तीकरण गर्ने गरी आरआरएनले संवाद कार्यक्रम सञ्चालन गरेको छ ।
    समाज
    99     समाज संवाददाता
  • नेपाल पत्रकार महासंघ प्रदेश समिति/ विष्ट नेतृत्वको समितिले सपथ लिए

    मकवानपुरका अग्रज पत्रकार प्रताप विष्टको अध्यक्षतामा निर्वाचित नेपाल पत्रकार महासंघको ३ नम्बर प्रदेश समितिका पदाधिकारी तथा सदस्यहरुले बुधबार हेटौंडामा सपथ ग्रहण गरेका छन् । नेपाल पत्रकार महासंघ मकवानपुरको समन्वयमा भएको कार्यक्रममा ३ नम्बर प्रदेशका मुख्यमन्त्री डोरमणि पौडेलको उपस्थितिमा प्रताप विष्ट नेतृत्वको समितिले सपथ ग्रहण गरेको हो ।
    समाज
    99     समाज संवाददाता हेटौंडा, २७ बैशाखः
  • मोटिभेशनल सेमिनार सम्पन्न

    हेटौंडा, ६ साउनः हेटौंडामा शुक्रबार करियर प्लानिङ मोटिभेशनल सेमिनार भएको छ । नमुना एनिमेटर एण्ड एडोलिसेन्ट नेटवर्क नवयुग एएएसएनको आयोजना कार्यक्रम भएको हो ।
    समाज
    99     समाज संवाददाता
सम्पर्क
समृद्ध समाज दैनिक
मानसचोक, हेटौंडा-२, मकवानपुर
०५७-५२६८३०
URL: www.samridhasamaj.com.np
Email: sambridhasamaj@gmail.com

हाम्रो समुह
सुरेश श्रेष्ठ, सम्पादक, ९८५५०-६८२२७
अमृत चिमरिया, संवाददाता, ९८४५६१४३५४
प्रिया पौडेल, संवाददाता , ९८४५४०२८५८
प्रकाश दाहाल, संवाददाता, ९८५५०३१४६४
विवश अधिकारी, संवाददाता, ९८४५१२५८६५
more...
संचालन तथा प्रायोजनको हक सर्बाधिकार © समृद्ध समाज दैनिक, हेटौंडा २०७४ मा सुरक्षित रहनेछ ।
Powered by: ExNet  
Top