+०५७-५२६८३०, ९८५५०-६८२२७
logo
सम्पादकीय

प्रदेश संरचना व्यवस्थापनको चटारो



सम्पादकीय   18 पटक पढिएको   सम्पादकीय     

प्रदेश सभाको वैठकका लागि पहिलो बनेको ३ नम्बर प्रदेशमा यतिबेला अन्य व्यवस्थापनको निकै चटारो देखिएको छ । प्रदेश प्रमुख, मुख्यमन्त्री, मन्त्रीहरु, सभामुखको निवास तथा कार्यालयका साथै मन्त्रालयका लागि आवश्यक भौतिक संरचनाको खोजी तथा मर्मतसम्भारले हेटौंडामा चहलपहल बढ्नुका साथै व्यवस्थापनमा व्यस्तता देखिएको छ ।

मन्त्रालय र अन्य कार्यालयको अस्थायी व्यवस्थापन भए पनि त्यहाँ आवश्यक पर्ने अन्य पक्ष भने अझै अन्यौलमा नै छ । प्रदेश नम्बर ३ का प्रमुख सचिवले पद वहाली गरे पनि केही दिनपछि नै आउने सभामुख, मुख्यमन्त्री र मन्त्रीहरुका लागि सवारी साधन, आवास, कार्यालय लगायतको व्यवस्था भइसकेको छैन । जेनतेन कार्यालयहरुको खोजी भए पनि फर्निचरदेखि सवारी साधनको व्यवस्थापन यतिबेला प्रशासनका लागि चुनौती बनेको छ । प्रदेश प्रमुखका लागि सामान्य व्यवस्थापन गरिएसँगै अब प्रदेश सभामुख, मुख्यमन्त्री र मन्त्रीहरुलाई चाहिने सेवा सुविधाको व्यवस्था अर्को चुनौती हो ।

प्रदेश नम्बर ३ को सभामुखको निर्वाचन यही माघ २७ गते हँुदैछ । यस्तै फागुनको पहिलो हप्ता भित्र प्रदेशले मुख्यमन्त्रीदेखि मन्त्रीहरु पनि पाउने छ । यी विशिष्ट पदाधिकारीका लागि राज्यले दिने सेवा सुविधाहरुको व्यवस्थापनमा यतिबेला कठिनाई छ । उनीहरुलाई आवश्यक पर्ने सुरक्षा प्रबन्ध, आवास, सवारी, सचिवालय लगायतको व्यवस्था गर्नुपर्ने हुन्छ । यसका लागि जनशक्ति पहिलो सर्त हो । तर केन्द्र सरकारले खटाएका कर्मचारीहरु अझै प्रदेशको राजधानीस्थित कार्यस्थलमा आइनपुग्दा प्रमुख सचिवलाई थप अप्ठेरो पर्ने देखिएको छ । मन्त्रालयको टुंगो लागि सके पनि मन्त्रालयमा रहनु पर्ने कर्मचारीको टुंगो छैन । कर्मचारी बिना राजनीतिक नेतृत्वले मात्र पक्कै पनि मन्त्रालय सन्चालन हुन सक्दैन । तसर्थ राज्यबाट सेवा सुविधा लिएका कर्मचारीहरुले कुनै मान, भाउ खोज्नुभन्दा जनताको सेवामा लाग्न ढिलो गर्नु हुँदैन । अबको केही दिनमा पदवहाल हुने मन्त्रालयमा यतिबेला सबै कर्मचारीहरुले जिम्मेवारी सम्हाली सकेको हुनुपर्ने थियो । तर कर्मचारीहरुले अटेर गर्दा समस्या हुने देखिन्छ ।

संविधानको धारा ५६ को उपधारा १ ले संघीय लोकतान्त्रिक गणतन्त्र नेपालको मूल संरचना संघ, प्रदेश र स्थानीय तह गरी तीन तहको व्यवस्था गरेको छ ।  स्थानीय तहमा पुरानै भौतिक, मानवीय र वित्तीय स्रोतसाधन विद्यमान भएकाले स्थानीय तहको व्यवस्थापन सहज भयो । उता संघीय संसद्लाई भने प्रतिनिधिसभा र राष्ट्रियसभाको रूपमा हालकै संरचनामा कार्य गर्न सहज हुने नै छ तर प्रदेश संसद् नेपालको पहिलो प्रयोग भएकाले पनि यतिबेला केही कठिन जस्तो देखिएको हो । प्रदेश केन्द्रको स्थायित्वसँग व्यवस्थापन जोडिएको हो भने दलहरु बीच समझदारी गरेर निकास खोज्नु पर्दछ । प्रदेश सांसददेखि जिम्मेवार नेताहरुबाटै हेटौंडा केवल अस्थायी मात्र हो भन्दा व्यवस्थापन गर्नेहरुले पनि जाँगर नदेखाएका हुन सक्छन् । तर जनभावना अनुसार संविधानले गरेको व्यवस्थालाई पूर्ण कार्यान्वयनमा लानु सबैको जिम्मेवारी हो । त्यसैले कर्मचारीहरुले जिम्मेवारीबाट कुनै पनि अवस्थामा भाग्न मिल्दैन । यस्तै स्थानीय दल र नेताहरुले पनि हेटौंडामा प्रदेश केन्द्रका लागि कुनै कमि छैन भन्ने सन्देश प्रवाह हुने गरी आवश्यक सहयोग गर्नु पर्छ ।






सम्बन्धित शिर्षक समाचारहरु
युवा कैदीबन्दी र जिम्मेवारी
दबावका स्वरुप परिवर्तन गरौं
सडक पेटी पनि खाली गरौं
युवाका लागि सुरक्षित स्थान
व्यवसायीको दोहोरो मापदण्ड
आगलागीको सन्देश
अधिकार सुनिश्चित हुनै पर्छ
दक्षताका लागि कर्मचारीको तालिम
खर्चिलो व्यवस्थापन
अधिकार सहितको जिससको माग



  • राष्ट्रिय योजना आयोगको टोलीसंग छलफल

    हेटौंडा, ३१ साउनः ३ नम्बर प्रदेश सरकारले राष्ट्रिय योजनाका आयोगको टोली संग आज छलफल गरेको छ ।
    राजनीति
    65     समाज संवाददाता
  • युवा कैदीबन्दी र जिम्मेवारी

    अपराधका घटनामा मकवानपुरका युवाहरुको सहभागिता बढी देखिएको छ । २१ वर्षदेखि ३० वर्ष भित्रका युवाहरु बढी मात्रामा लागुपदार्थ प्रयोग तथा कारोबारमा संलग्न भएका छन् भिमफेदी कारागारमा रहेका कैदीबन्दी मध्ये मकवानपुरका सबैभन्दा बढी छन् । ८ सय १० जना कैदीबन्दी मध्ये ३ सय २७ जना त मकवानपुरका छन् ।
    सम्पादकीय
    2     सम्पादकीय
  • मन्त्रीपरिषद्द्वारा ३ कार्यविधि स्विकृत

    हेटौंडा, ३१ साउनः ३ नम्बर प्रदेशको मन्त्रीपरिषद् बैठक बुधबार बसेको छ । वैठकले ३ वटा कार्यविधिलाई स्विकृत गरेको हो ।
    राजनीति
    3     समाज संवाददाता
  • कार्यक्रमको समीक्षा

    हेटौंडा, १४ पुसः नेपाल ग्रामीण पुनर्निर्माण संस्था (आरआरएन) ले सञ्चालन गरिरहेको कार्यक्रमको वार्षिक समीक्षा गरेको छ । जिल्ला समन्वय समिति मकवानपुरको सभाकक्षमा बिहीबार जिल्ला समन्वय समितिकी उपप्रमुख भगवती पुडासैनीको अध्यक्षतामा समीक्षा कार्यक्रम भएको हो । आरआरएनका कार्यक्रम अधिकृत भीम राईले वर्षभर सञ्चालित कार्यक्रमका बारेमा जानकारी गराउनुभएको थियो । किशोर/किशोरीलाई सशक्तीकरण गर्ने गरी आरआरएनले संवाद कार्यक्रम सञ्चालन गरेको छ ।
    समाज
    99     समाज संवाददाता
  • नेपाल पत्रकार महासंघ प्रदेश समिति/ विष्ट नेतृत्वको समितिले सपथ लिए

    मकवानपुरका अग्रज पत्रकार प्रताप विष्टको अध्यक्षतामा निर्वाचित नेपाल पत्रकार महासंघको ३ नम्बर प्रदेश समितिका पदाधिकारी तथा सदस्यहरुले बुधबार हेटौंडामा सपथ ग्रहण गरेका छन् । नेपाल पत्रकार महासंघ मकवानपुरको समन्वयमा भएको कार्यक्रममा ३ नम्बर प्रदेशका मुख्यमन्त्री डोरमणि पौडेलको उपस्थितिमा प्रताप विष्ट नेतृत्वको समितिले सपथ ग्रहण गरेको हो ।
    समाज
    99     समाज संवाददाता हेटौंडा, २७ बैशाखः
  • मोटिभेशनल सेमिनार सम्पन्न

    हेटौंडा, ६ साउनः हेटौंडामा शुक्रबार करियर प्लानिङ मोटिभेशनल सेमिनार भएको छ । नमुना एनिमेटर एण्ड एडोलिसेन्ट नेटवर्क नवयुग एएएसएनको आयोजना कार्यक्रम भएको हो ।
    समाज
    99     समाज संवाददाता
सम्पर्क
समृद्ध समाज दैनिक
मानसचोक, हेटौंडा-२, मकवानपुर
०५७-५२६८३०
URL: www.samridhasamaj.com.np
Email: sambridhasamaj@gmail.com

हाम्रो समुह
सुरेश श्रेष्ठ, सम्पादक, ९८५५०-६८२२७
अमृत चिमरिया, संवाददाता, ९८४५६१४३५४
प्रिया पौडेल, संवाददाता , ९८४५४०२८५८
प्रकाश दाहाल, संवाददाता, ९८५५०३१४६४
विवश अधिकारी, संवाददाता, ९८४५१२५८६५
more...
संचालन तथा प्रायोजनको हक सर्बाधिकार © समृद्ध समाज दैनिक, हेटौंडा २०७४ मा सुरक्षित रहनेछ ।
Powered by: ExNet  
Top