+०५७-५२६८३०, ९८५५०-६८२२७
logo
सम्पादकीय

राजधानीको लोभ मात्रै



सम्पादकीय   279 पटक पढिएको   सम्पादकीय     

प्रदेश राजधानीका लागि हेटौंडा नगरले देखाएको चासो लोभी मनको परिणाम जस्तो मात्रै देखिएको छ । प्रदेश राजधानीका लागि जनप्रतिनिधि, राजनीतिक दलका नेता, नागरिक समाज, निजी क्षेत्र र आम सर्वसाधारणबाट सकारात्मक प्रयास देखिएको छैन । प्रदेश राजधानीको लोभ गर्ने तर व्यवस्थित योजना बनाउने क्षमता कसैले पनि राख्नै सकेको छैन ।

मुख्यतः राजनीतिक दल र जनप्रतिनिधिहरुले विस्तृत योजना र खाका तयार पार्नुपर्नेमा चासो देखिएको छैन । कुनै मञ्चमा मन्तव्य व्यक्त गर्ने अवसरको सदुपयोग गर्ने बाहेक उल्लेखनीय काम राजनीतिक दलका नेता र जनप्रतिनिधिबाट हुन सकेको छैन ।

प्रदेशको राजधानी किन बनाउने भन्नेमा राजनीतिक दल, जनप्रतिनिधि, नागरिक समाज, निजि क्षेत्र र आम नगरवासीले साझा धारणा बनाउनु जरुरी छ । प्रदेशको राजधानीले अवसर मात्रै सिर्जना गर्दैन । चुनौतिहरु पनि सामना गर्नुपर्ने हुन्छ । अहिले एउटा औसत गतिमा चलिरहेको सुन्दर हेटौंडा नगर राजधानी घोषणासँगै तीव्र गतिमा क्रियाशील हुनेछ । हेटौंडा प्रदेशको अस्थायी राजधानी कायम हुनु महत्वपूर्ण उपलब्धीको विषय हो । यसआधारमा अब प्रदेशको स्थायी राजधानी स्थापित गर्ने प्रक्रियालाई बुझेर ती प्रक्रियामा कसरी हेटौंडाले आफूलाई सक्षम सावित गर्ने भन्नेतर्फ ध्यान दिनुपर्छ । केही दिनयता विभिन्न मञ्चहरुमा हेटौंडालाई प्रदेश राजधानी बनाउने विषयमा सरोकारवाला, सर्वदलीय, सर्वपक्षीय छलफल भइरहेका छन् । ती मञ्चमा न आयोजकले विस्तृत योजना प्रस्तुत गर्छन्, न सहभागी सरोकारवालाले योजनावद्ध तर्क गर्छन् । बरु सबै आआफ्नो तर्फबाट सक्दो प्रयत्न गर्ने मौखिक वाचा मात्रै गर्छन् ।

सबैभन्दा दुखद् कुरा त हामी आफैं अतालिरहेका छौं कि, अहिले हेटौंडा प्रदेशको राजधानी अस्थायी हो, यो सर्छ, सार्छ । हेटौंडालाई अस्थायी राजधानी घोषणा गरेर महिनादिन बित्न लाग्दा सरोकारवालाले हेटौंडालाई स्थायी राजधानी बनाउन पहल गर्ने साझा समूह निर्माण गर्न सकेको छैन । हेटौंडा उपमहानगरपालिकाका निर्वाचित जनप्रतिनिधिहरु नै अग्रसर छैनन् । हेटौंडा उपमहानगरपालिकाका मेयर, उपमेयर, १९ वडा अध्यक्ष, सदस्यहरु नै एक हुन सकेका छैनन् । निर्वाचित जनप्रतिनिधिले नै राजधानीका लागि चासो देखाइरहेका छैनन् भने आम नागरिकले व्यक्तिगत रुचि या चासो मात्रै पक्कै पर्याप्त हुन्न ।

प्रदेश सभामा सभामुख, उपसभामुख चयन गरेर मुख्यमन्त्री चयनपछि प्रदेशको राजधानीका विषयमा प्रदेश संसदमा प्रस्ताव पेश हुन सक्छ । त्यत्तिबेला दुईतिहाई मतले हेटौंडाबाहेक अन्यत्र नै राजधानी राख्ने निर्णय गर्यो भने त्यसपछि आन्दोलनको कुनै औचित्य छैन । साथै त्यत्ति बेला कसले आन्दोलनको नेतृत्व गर्ने ? यसर्थ क्षतिपछिको आरोप–प्रत्यारोप या अनेकौं सम्भावनाका कुरा गर्नुभन्दा अहिले नै प्रदेशको राजधानीलाई स्थायी बनाउनतर्फ सचेत र जिम्मेवार भएर अगाडि बढ्नु आवश्यक छ । प्रदेश राजधानीका लागि अहिले भएका तयारी र लगानीलाई दिगो बनाउँदै हेटौंडालाई नै स्थायी बनाउनुपर्ने औचित्य समग्रमा पुष्टि गर्न गराउन राजनीतिक दलका नेता, कार्यकर्ता, जनप्रतिनिधि, नागरिक समाज, निजि क्षेत्रले आआफ्नो तर्फबाट अग्रसर हुँदै एकीकृत रुपमा सार्थक सावित गर्नुपर्छ । मन्तव्य या भाषणमा मात्रै राजधानीको दावी गरिरहँदा हेटौंडा अस्थायी राजधानीको म्यादी भूमिकामै सीमित हुनुपर्ने खतरा रहन सक्छ ।






सम्बन्धित शिर्षक समाचारहरु
युवा कैदीबन्दी र जिम्मेवारी
दबावका स्वरुप परिवर्तन गरौं
सडक पेटी पनि खाली गरौं
युवाका लागि सुरक्षित स्थान
व्यवसायीको दोहोरो मापदण्ड
आगलागीको सन्देश
अधिकार सुनिश्चित हुनै पर्छ
दक्षताका लागि कर्मचारीको तालिम
खर्चिलो व्यवस्थापन
अधिकार सहितको जिससको माग



  • राष्ट्रिय योजना आयोगको टोलीसंग छलफल

    हेटौंडा, ३१ साउनः ३ नम्बर प्रदेश सरकारले राष्ट्रिय योजनाका आयोगको टोली संग आज छलफल गरेको छ ।
    राजनीति
    65     समाज संवाददाता
  • युवा कैदीबन्दी र जिम्मेवारी

    अपराधका घटनामा मकवानपुरका युवाहरुको सहभागिता बढी देखिएको छ । २१ वर्षदेखि ३० वर्ष भित्रका युवाहरु बढी मात्रामा लागुपदार्थ प्रयोग तथा कारोबारमा संलग्न भएका छन् भिमफेदी कारागारमा रहेका कैदीबन्दी मध्ये मकवानपुरका सबैभन्दा बढी छन् । ८ सय १० जना कैदीबन्दी मध्ये ३ सय २७ जना त मकवानपुरका छन् ।
    सम्पादकीय
    2     सम्पादकीय
  • मन्त्रीपरिषद्द्वारा ३ कार्यविधि स्विकृत

    हेटौंडा, ३१ साउनः ३ नम्बर प्रदेशको मन्त्रीपरिषद् बैठक बुधबार बसेको छ । वैठकले ३ वटा कार्यविधिलाई स्विकृत गरेको हो ।
    राजनीति
    3     समाज संवाददाता
  • कार्यक्रमको समीक्षा

    हेटौंडा, १४ पुसः नेपाल ग्रामीण पुनर्निर्माण संस्था (आरआरएन) ले सञ्चालन गरिरहेको कार्यक्रमको वार्षिक समीक्षा गरेको छ । जिल्ला समन्वय समिति मकवानपुरको सभाकक्षमा बिहीबार जिल्ला समन्वय समितिकी उपप्रमुख भगवती पुडासैनीको अध्यक्षतामा समीक्षा कार्यक्रम भएको हो । आरआरएनका कार्यक्रम अधिकृत भीम राईले वर्षभर सञ्चालित कार्यक्रमका बारेमा जानकारी गराउनुभएको थियो । किशोर/किशोरीलाई सशक्तीकरण गर्ने गरी आरआरएनले संवाद कार्यक्रम सञ्चालन गरेको छ ।
    समाज
    99     समाज संवाददाता
  • नेपाल पत्रकार महासंघ प्रदेश समिति/ विष्ट नेतृत्वको समितिले सपथ लिए

    मकवानपुरका अग्रज पत्रकार प्रताप विष्टको अध्यक्षतामा निर्वाचित नेपाल पत्रकार महासंघको ३ नम्बर प्रदेश समितिका पदाधिकारी तथा सदस्यहरुले बुधबार हेटौंडामा सपथ ग्रहण गरेका छन् । नेपाल पत्रकार महासंघ मकवानपुरको समन्वयमा भएको कार्यक्रममा ३ नम्बर प्रदेशका मुख्यमन्त्री डोरमणि पौडेलको उपस्थितिमा प्रताप विष्ट नेतृत्वको समितिले सपथ ग्रहण गरेको हो ।
    समाज
    99     समाज संवाददाता हेटौंडा, २७ बैशाखः
  • मोटिभेशनल सेमिनार सम्पन्न

    हेटौंडा, ६ साउनः हेटौंडामा शुक्रबार करियर प्लानिङ मोटिभेशनल सेमिनार भएको छ । नमुना एनिमेटर एण्ड एडोलिसेन्ट नेटवर्क नवयुग एएएसएनको आयोजना कार्यक्रम भएको हो ।
    समाज
    99     समाज संवाददाता
सम्पर्क
समृद्ध समाज दैनिक
मानसचोक, हेटौंडा-२, मकवानपुर
०५७-५२६८३०
URL: www.samridhasamaj.com.np
Email: sambridhasamaj@gmail.com

हाम्रो समुह
सुरेश श्रेष्ठ, सम्पादक, ९८५५०-६८२२७
अमृत चिमरिया, संवाददाता, ९८४५६१४३५४
प्रिया पौडेल, संवाददाता , ९८४५४०२८५८
प्रकाश दाहाल, संवाददाता, ९८५५०३१४६४
विवश अधिकारी, संवाददाता, ९८४५१२५८६५
more...
संचालन तथा प्रायोजनको हक सर्बाधिकार © समृद्ध समाज दैनिक, हेटौंडा २०७४ मा सुरक्षित रहनेछ ।
Powered by: ExNet  
Top