+०५७-५२६८३०, ९८५५०-६८२२७
logo
विचार

नेता, कार्यकर्ताले धैर्यता नगुमाओस्



विचार   240 पटक पढिएको   सुरेश श्रेष्ठ     

प्रदेश सभा र प्रतिनिधि सभाको आसन्न निर्वाचनमा होमिएका राजनीतिक दलका नेता, कार्यकर्ता यतिबेला प्रचार प्रसारमा व्यस्त छन् । मकवानपुरको ४ वटा प्रदेश क्षेत्र र २ वटा प्रतिनिधि सभा क्षेत्रका उम्मेद्वारहरु प्रचारप्रसारमा व्यस्त छन् । देशभर लोकतान्त्रिक गठबन्धन र बाम गठबन्धनबीच मुख्य प्रतिस्पर्धा हुने निश्चित छ । मकवानपुरमा पनि बाम गठबन्धन र लोकतान्त्रिक गठबन्धन नै मुख्य प्रतिस्पर्धी हुन् । बैशाखमा सम्पन्न स्थानीय तहको निर्वाचनमा प्रस्तुत भएको जनमतका आधारमा राजनीतिक दलहरुले आआफ्नो कमिकमजोरी र सवल पक्षका आधारमा चुनावी रणनीति बनाइरहेका छन् । मतदाता पनि स्थानीय तहको मत परिणामका आधारमा प्रदेश र प्रतिनिधि सभा निर्वाचनमा आफ्नो मतलाई सन्तुलित बनाउने प्रयास गर्ने चरणमा छन् ।

स्थानीय तहको निर्वाचनमा मतदान गरेका सचेत मतदाता यतिबेला आफ्नो मतले उपयुक्त मतपरिणाम सार्वजनिक होस् भन्नेमा थप सचेत छन् । निर्वाचनमा थ्रेस होल्डको व्यवस्थाले दलहरुलाई एकीकृत हुन प्रेरित गरेको छ । यसले आगामी दिनमा नेपालमा राजनीतिक दलको संख्यालाई घटाउने छ । ठूला राजनीतिक दलहरुलाई थप बलियो बनाएको छ । यसबाट राजनीतिक दलसँगै राजनीतिक प्रवृत्तिहरु सुध्रँदै जाने अपेक्षा मतदातामा छ ।

निर्वाचनमा होमिएका राजनीतिक दल, उम्मेद्वार, नेता, कार्यकर्ता र समर्थकहरु सम्भव भएसम्म आफ्नो पक्षमा जनमत निर्माण गर्ने र जनताबाट अनुमोदित हुने ध्यानमा छन् । निर्वाचनमा मतदातालाई मतदानका लागि आग्रह गर्नेदेखि विभिन्न प्रलोभन देखाएर मतदातालाई आफ्नो पक्षमा पार्ने प्रयत्न राजनीतिक दल र उम्मेदवारहरुले गरिरहेका छन् । जनमतका लागि मतदातालाई आग्रह गर्नु उम्मेदवार, राजनीतिक दलका नेता, कार्यकर्ताको प्रयास स्वभाविक हो । जनमत आफ्नो पक्षमा पार्ने योजनाभित्र कतिपय राजनीतिक दल, उम्मेदवार, नेता, कार्यकर्ताको अस्वभाविक र गलत प्रयत्नहरु पनि देखिन सक्छन् । यस्ता प्रयत्नहरुले मतदातालाई त्रसित र निराश पनि बनाउन सक्छ । तत्कालका लागि नतिजामा प्रभाव पार्न सक्ने देखिए पनि यस्ता प्रयत्न दीर्घकालमा प्रत्युत्पादक हुनेछन् ।

अहिले राजनीतिक दलका नेता, कार्यकर्ता र उम्मेद्वारहरु मुख्यतः आफ्ना प्रतिवद्ध र सक्रिय कार्यकर्ताको उपस्थितिमा चोक–चोक, टोल–टोल, गाउँ–गाउँ प्रचार अभियानमा छन् । दोस्रो तथा अन्तिम चरणमा राजनीतिक दल, उम्मेद्वार, नेता, कार्यकर्ताले आम सभाको आयोजना गर्नेछन् । जुनबेला दलहरुले एक किसिमको शक्तिप्रदर्शनको प्रयत्न गर्नेछन् । चुनावी प्रचारको यो प्रक्रिया स्वभाविक हो । यसले उम्मेद्वारको प्रचार गर्नेछ । जनमतका लागि राजनीतिक दल र तिनका उम्मेदवारले मतदातालाई आर्थिक प्रलोभन देखाउने स्थितिप्रति आम सचेतता छ । प्रतिस्पर्धी दलका उम्मेद्वारहरु आर्थिक लगायत अन्य प्रलोभन देखाएर मतदातालाई प्रभावित पार्ने प्रयत्न पनि गर्ने र प्रतिस्पर्धीप्रति अनेकौं आरोप लगाउने दोहोरो चरित्र निभाइरहेका हुन्छन् ।

करिब २ महिनाको निर्वाचनको प्रक्रियाबाट निर्वाचित हुन सके ४ वर्षे राजनीतिक अवसर रहने, सांसद हुँदै सत्तासम्म पुग्न पाए सकारात्मक दृष्टिकोणका साथ जनताको सेवा गर्दै लोकप्रिय हुने र गलत दृष्टिकोण राख्नेका लागि अनुचित लाभको अवसर पनि रहने भएकोले निर्वाचनमा कडा प्रतिस्पर्धा हुनु स्वभाविक देखिन्छ । तर, गलतलाई गलत र सहीलाई सही भन्न सक्ने जनमत तयार भइसकेकोले आवधिक निर्वाचनको सुनिश्चितता भए राजनीतिक व्यक्तित्व र प्रवृत्तिहरुमा क्रमशः सुधार आउने निश्चित छ ।

अहिले मतदाताले मुख्यतः उम्मेदवारहरुको व्यक्तित्व र उम्मेदवार सम्वद्ध राजनीतिक दलको प्रवृत्तिलाई नजिकबाट नियालिरहेका छन् । मतदाताहरु असल जनप्रतिनिधि चयन गर्नुपर्नेमा सचेत छन् । निर्वाचनको प्रक्रियामा उम्मेदवारहरुको प्रचारप्रसारको कार्यलाई उत्तिकै नजिकबाट सुनिरहेका, हेरिरहेका, पढिरहेका मतदाताहरु उम्मेदवारका आफ्ना योजना र उपलब्धीभन्दा पनि प्रतिस्पर्धीमाथि आरोप–प्रत्यारोप सुनेर, पढेर, हेरेर दिक्क छन् । उम्मेद्वारहरुका अस्वभाविक प्रतिवद्धता र दावी पनि मतदाताका लागि उचित लागिरहेको छैन । सांसद भएर एकजना राजनीतिक व्यक्तिले के गर्न सक्छन् ? यसअघि के के गरे ? के कस्ता सार्वजनिक चासो र सरोकारका विषयमा के कस्ता चासो व्यक्त गरे ? भनेर सचेत नागरिक समूहले हेरिरहेकै छन् । जसले निर्वाचनको नतिजामा निर्णायक भूमिका निर्वाह गर्नेछन् ।

राजनीतिक दलका नेता, कार्यकर्ताले असभ्य तरिकाबाट आपसमा आरोप–प्रत्यारोप गर्नुका साथै अस्वभाविक, असम्भव योजना सुनाइरहेका छन् । निर्वाचनअघि पदमा रहँदा सम्भव काम नगर्ने नेताले निर्वाचनका बेला सुनाउने अस्वभाविक योजना भावी दिनमा सम्भव हुनेछन् भनेर मतदाताले पक्कै पत्याउने छैनन् । अधिकांश उम्मेद्वारहरु सीमित मतदातासँग नाम र शारीरिक हाउभाउले मात्रै परिचित छन् । समाजमा उल्लेखनीय कामबाट परिचित उम्मेद्वारको खडेरी छ । आवधिक निर्वाचनको सुनिश्चितता भएको भए राजनीतिक दलका नेता, कार्यकर्ताले जनताको सेवामा उल्लेखनीय काम गर्ने थिए । यसो भन्दैमा आवधिक निर्वाचन नहुँदा पनि जनताको सेवा राजनीतिकर्मी सक्रिय हुनु पर्ने थिएन भन्न खोजिएको होइन । राजनीतिलाई जनसेवाको अवसरको रुपमा भन्दा पनि व्यक्तिगत र सीमित घेरामा रहेर समूहको लाभका लागि राज्यको स्रोतसाधन दुरुपयोग गर्ने उपयुक्त माध्यम मान्नु मुख्य समस्या हो । जसले बेला–बेलामा हुने निर्वाचनमा उम्मेदवार हुनेहरुलाई समस्या बनाउने गर्दछ ।

राजनीतिमा सधैं सबैखाले सम्भावना रहन्छ भन्ने गरिन्छ । जसलाई पछिल्लो समय नेकपा माओवादी केन्द्रले पुष्टि गरिदिएको छ । जनसेवाका लागि हो भने त यस्ता घटना स्वभाविक र सान्दर्भिक मान्न सकिन्छ । यदि राजनीतिक दल र तिनका नेतृत्वका लागि मात्रै लाभका लागि मात्रै यस्ता सम्भावनाको तर्क गर्नु उचित होइन । अहिले पनि निर्वाचनमा जनमतलाई आकर्षिक गर्ने बहानामा दलका नेता, कार्यकर्ताले राजनीतिलाई फोहोरी खेलको रुपमा पुनःपरिभाषित गर्ने प्रयत्न भइरहेको छ । राजनीतिक दलका नेता, कार्यकर्ताले एकअर्कालाई आरोप–प्रत्यारोप गरिरहेका छन् । झट्ट हुन्दा मतदाताहरु निर्वाचनको प्रक्रियाबाटै त्रसित छन् । आखिर एकआपसमा आरोप–प्रत्यारोप मात्रै गर्ने गरी निर्वाचन किन गर्नु ? भन्ने मनस्थिति आम मतदातामा विकासित भएको छ । निर्वाचनको समयमा कतिपय स्थानमा सांघातिक आक्रमण र हत्या समेत हुने गरेका छन् । के जनमतका लागि जनताको ज्यान नै जानु ठीक हो त ?

उम्मेद्वारहरुले स्वभाविक अभिव्यक्ति र योजना प्रस्तुत गरेर जनतासामु मत माग्नु उचित हुनेछ । प्रमुख दलका उम्मेद्वारहरुले राजनीतिक दलका संगठित सदस्य र तिनको प्रभाव क्षेत्रबाट प्राप्त हुने निश्चित मतका भागिदार हुन्छन् । स्थानीय चुनावको परिणामलाई नै हेर्ने हो भने पनि व्यक्ति भन्दा संगठित सदस्य संख्याका आधारमा मत प्रभावित भएको देखिन्छ । यस्तोमा उम्मेद्वारले यथार्थपरक भएर वास्तविक कुरा गर्ने हो भने तटस्ट रहने मतलाई आकर्षित गर्न सक्ने थियो । साथै भोलि निर्वाचित हुँदा पनि ती काम सहजै पूरा गरेर जनविश्वास जित्न सक्ने थियो । जसले निर्वाचनको प्रक्रियालाई पनि स्वभाविक सावित गर्ने थियो ।

राजनीतिक दलका नेतृत्वले अस्वभाविक र आक्रामक भएर आरोप–प्रत्यारोप गर्दै निर्वाचनको समयलाई भड्किलो बन्नबाट बचाउनु जरुरी छ । मतदानको दिन जति नजिकिँदै जान्छ, उत्ति नै उम्मेदवार र राजनीतिक दलहरु अधैर्य बन्ने खतरा रहन्छ । अन्तिम समयसम्म धैर्य भएर निर्वाचनको प्रक्रियालाई सम्पन्न गर्ने र जनमतका लागि यो नै अन्तिम अवसर हो भन्ने नबुझी हरेक पटक जिम्मेवार र वास्तविक चरित्र प्रस्तुत गर्नुपर्छ । जसले लोकप्रिय जनमतमा आधारित लोकतान्त्रिक व्यवस्थाको वास्तविक अभ्यास सम्भव हुनेछ भने राजनीति मात्रै नभई समग्र समाज र मुलुकको सुधारलाई आत्मसात गर्ने आधार तयार हुनेछ । जनताले यसपटक बुझेका छन् कि प्रदेश सभा र प्रतिनिधि सभाको निर्वाचनपछि मुलुकले पछिल्लो राजनीतिक परिवर्तनलाई संस्थागत गर्दै विकासको बाटोलाई आत्मसात गर्नेछ । हामी पछिल्लो राजनीतिक परिवर्तनलाई स्थापित गर्ने मात्रै चासो व्यक्त गरिरहेका छौं । तर, हाम्रो समाजको समग्र विकास र स्थायित्वका लागि राजनीतिक प्रवृत्तिहरु पनि सुध्रनु जरुरी छ । जसलाई धैर्य राजनीतिक मानसिकताले मात्रै पूरा गर्नेछ ।






सम्बन्धित शिर्षक समाचारहरु
स्थानीय सरकार कि मधेशको मौजा ?
‘नो पार्किङ’ को विवाद
सामुदायिक विद्यालयमा ‘हामी सक्छौं’ अभियान
सहकारीमा चुनाव उठौं कि ?
थाइराईड बारे सचेतना आवश्यक
सामुदायिक विद्यालयप्रति समुदायको बढ्दो चासो
सामुदायिक विद्यालय सुधारमा मेयरको कदम र चुनौती
चन्द्रपुर सार्वजनिक शौचालय विहिन
‘युरोपियन युनियनको नेपालमाथि गैरकानुनी हस्तक्षेप’
कमजोर नेपाल पत्रकार महासंघ



  • राष्ट्रिय योजना आयोगको टोलीसंग छलफल

    हेटौंडा, ३१ साउनः ३ नम्बर प्रदेश सरकारले राष्ट्रिय योजनाका आयोगको टोली संग आज छलफल गरेको छ ।
    राजनीति
    65     समाज संवाददाता
  • युवा कैदीबन्दी र जिम्मेवारी

    अपराधका घटनामा मकवानपुरका युवाहरुको सहभागिता बढी देखिएको छ । २१ वर्षदेखि ३० वर्ष भित्रका युवाहरु बढी मात्रामा लागुपदार्थ प्रयोग तथा कारोबारमा संलग्न भएका छन् भिमफेदी कारागारमा रहेका कैदीबन्दी मध्ये मकवानपुरका सबैभन्दा बढी छन् । ८ सय १० जना कैदीबन्दी मध्ये ३ सय २७ जना त मकवानपुरका छन् ।
    सम्पादकीय
    2     सम्पादकीय
  • मन्त्रीपरिषद्द्वारा ३ कार्यविधि स्विकृत

    हेटौंडा, ३१ साउनः ३ नम्बर प्रदेशको मन्त्रीपरिषद् बैठक बुधबार बसेको छ । वैठकले ३ वटा कार्यविधिलाई स्विकृत गरेको हो ।
    राजनीति
    3     समाज संवाददाता
  • कार्यक्रमको समीक्षा

    हेटौंडा, १४ पुसः नेपाल ग्रामीण पुनर्निर्माण संस्था (आरआरएन) ले सञ्चालन गरिरहेको कार्यक्रमको वार्षिक समीक्षा गरेको छ । जिल्ला समन्वय समिति मकवानपुरको सभाकक्षमा बिहीबार जिल्ला समन्वय समितिकी उपप्रमुख भगवती पुडासैनीको अध्यक्षतामा समीक्षा कार्यक्रम भएको हो । आरआरएनका कार्यक्रम अधिकृत भीम राईले वर्षभर सञ्चालित कार्यक्रमका बारेमा जानकारी गराउनुभएको थियो । किशोर/किशोरीलाई सशक्तीकरण गर्ने गरी आरआरएनले संवाद कार्यक्रम सञ्चालन गरेको छ ।
    समाज
    99     समाज संवाददाता
  • नेपाल पत्रकार महासंघ प्रदेश समिति/ विष्ट नेतृत्वको समितिले सपथ लिए

    मकवानपुरका अग्रज पत्रकार प्रताप विष्टको अध्यक्षतामा निर्वाचित नेपाल पत्रकार महासंघको ३ नम्बर प्रदेश समितिका पदाधिकारी तथा सदस्यहरुले बुधबार हेटौंडामा सपथ ग्रहण गरेका छन् । नेपाल पत्रकार महासंघ मकवानपुरको समन्वयमा भएको कार्यक्रममा ३ नम्बर प्रदेशका मुख्यमन्त्री डोरमणि पौडेलको उपस्थितिमा प्रताप विष्ट नेतृत्वको समितिले सपथ ग्रहण गरेको हो ।
    समाज
    99     समाज संवाददाता हेटौंडा, २७ बैशाखः
  • मोटिभेशनल सेमिनार सम्पन्न

    हेटौंडा, ६ साउनः हेटौंडामा शुक्रबार करियर प्लानिङ मोटिभेशनल सेमिनार भएको छ । नमुना एनिमेटर एण्ड एडोलिसेन्ट नेटवर्क नवयुग एएएसएनको आयोजना कार्यक्रम भएको हो ।
    समाज
    99     समाज संवाददाता
सम्पर्क
समृद्ध समाज दैनिक
मानसचोक, हेटौंडा-२, मकवानपुर
०५७-५२६८३०
URL: www.samridhasamaj.com.np
Email: sambridhasamaj@gmail.com

हाम्रो समुह
सुरेश श्रेष्ठ, सम्पादक, ९८५५०-६८२२७
अमृत चिमरिया, संवाददाता, ९८४५६१४३५४
प्रिया पौडेल, संवाददाता , ९८४५४०२८५८
प्रकाश दाहाल, संवाददाता, ९८५५०३१४६४
विवश अधिकारी, संवाददाता, ९८४५१२५८६५
more...
संचालन तथा प्रायोजनको हक सर्बाधिकार © समृद्ध समाज दैनिक, हेटौंडा २०७४ मा सुरक्षित रहनेछ ।
Powered by: ExNet  
Top