+०५७-५२६८३०, ९८५५०-६८२२७
logo
स्वास्थ्य

१२ हजारले आयुर्वेदिक स्वास्थ्य सेवा लिए



स्वास्थ्य   35 पटक पढिएको   यमप्रसाद तिमल्सीना     
हेटौंडा, २९ साउनः आर्थिक वर्ष २०७४/०७५ मा मकवानपुरका ४ वटा सरकारी आयुर्वेदिक औषधालयहरुबाट १२ हजार २ सय ६४ जना बिरामीले उपचार सेवा लिएका छन् । जसमा ६ हजार ६ सय ४० महिला र ५ हजार ४ सय ६ सय २४ पुरुष रहेको औषधालयले जनाएको छ ।



मकवानपुरमा राक्सिराङको काँकडा, हेटौंडाको नगरपालिकारोड, चुरियामाई र हटिया गरी ४ स्थानमा औषधालयबाट विरामीले स्वस्थ्य परीक्षण गराएको मकवानपुर आयुर्वेदिक औषधालयका कविराज निरीक्षक अमिन्द्र कुमार पण्डितले बताउनुभयो । गत आवमा मकवानपुर जिल्लामा ज्वरोका विरामी १ सय २१ जना, श्वास विकारका विरामी ९ सय ९५ जना, अम्लपित्तका विरामी ३ हजार १ सय १७ जना, अतिसार ग्रहणीका विरामी ३ सय ८० जना, उदर रोगका विरामी १ हजार ५ सय ७१ जना, मुधुमेहका विरामी २ सय १६ जना, कमलाका विरामी ९६ जना, पाण्डुका विरामी १ सय ५ जना, हृदयरोगका विरामी ३८ जनाले स्वास्थ्य परीक्षण तथा आवश्यक उपचार गरेका छन् । यस्तै रक्तचापका विरामी ३ सय ८४ जना, शोथका विरामी ४३ जना, कृमीका विरामी २ जना, त्वगविकारका २ सय ५० जना, व्रणका विरामी ६१ जना, आघातिजका विरामी २९ जना, बालव्याधिका विरामी १ हजार ३ सय ९ जना, आमवातका विरामी ५ सय ३२ जना, वातरक्तका विरामी १ सय ५५ जना, रक्तविकारका विरामी ९९ जना, मूत्रविकारका विरामी २ सय ५९ जना, प्रसुती विकारका विरामी ७४ जना, स्त्रीरोगका विरामी १ सय ९६ जना, गुदविकार रोगका विरामी ४ सय ६५ जना, नेत्ररोगका विरामी ३२ जना, कर्ण, नशा, मुख, दन्त र कण्ठ्य रोगका विरामी १ सय ४१ जना, मानसविकारका विरामी ५५ जना, बाल रागुका विरामी ८४ जना, जराजन्य रोगका विरामी ३ जना, यस बहेक अन्य विभिन्न रोगका ३४८ विरामीले स्वास्थ्य परीक्षण गराएको कविराज निरीक्षक पण्डितले बताउनुभयो ।

गत वर्ष मकवानपुरमा सबैभन्दा बढि अम्लपित्त रोग देखिएको उहाँले जानकारी दिनुभयो । मकवानपुरमा यस रोगका विरामी ३ हजार १ सय १७ जनाले परीक्षण गराएको उल्लेख गरिएको छ । यस रोगको विरामी बढि देखिनुका मुख्य कारणहरुमा अव्यवस्थित खानपान, चिल्लो पिरो अमिलो खानुु, मादकपदार्थ सेवन गर्नु, समयमा खाना नखानु, आवश्यकताअनुसार पानी नपिउनु जस्ता कारणले विरामीको सङख्यामा बृद्वि हुन आएको कविराज निरीक्षक पण्डितले बताउनुभयो । त्यसैगरी दर (पेट सम्बन्धी) रोगका १ हजार ५ सय ७१ विरामी रहेको औषधालयले उल्लेख गरेको छ । 

मकवानपुरमा आयुर्वेदिक औषधालयले अहिले ३० किसिमका रोगहरुको उपचारहरु गर्दै आएको उहाँले बताउनुभयो । जिल्लाको मुख्य कार्यालय हेटौंडामा ९ जना कर्मचारी कार्यरत छन् । मकवानपुरको सदरमुकाम बाहेक जिल्लाका अन्य ३ स्थानमा आयुर्वेदिक औषधालयहरु छन् । मकवानपुरको राक्सिराङ काकडामा रहेको औषधालयमा कविराजको पद खाली छ । चुरियामाई र हटियामा ४÷४ जना कर्मचारी कार्यरत छन् । आयुर्वेदिक औषधालय मकवानपुरमा पर्याप्त औषधी र प्रयोगशाला नभएकोले उपचारका लागि आउने विरामीहरुलाई आफुहरुले सेवा दिन नसकेको उहाँले बताउनुभयो । कार्यालय स्थानीय तहमा गएपछि पटक–पटक तकेता गर्दा पनि उपमहानगरले यो विषयलाई बेवास्ता गरेको उहाँको भनाई छ । पर्याप्त कर्मचारी भएपनि औषधी र प्रयोगशालाको प्रमुख समस्या भएको उहाँले बताउनुभयो ।






सम्बन्धित शिर्षक समाचारहरु

१२ हजारले आयुर्वेदिक स्वास्थ्य सेवा लिए

हेटौंडा, २९ साउनः आर्थिक वर्ष २०७४/०७५ मा मकवानपुरका ४ वटा सरकारी आयुर्वेदिक औषधालयहरुबाट १२ हजार २ सय ६४ जना बिरामीले उपचार सेवा लिएका छन् । जसमा ६ हजार ६ सय ४० महिला र ५ हजार ४ सय ६ सय २४ पुरुष रहेको औषधालयले जनाएको छ ।

४६ जनाले ओसीएमसीबाट सेवा लिए

हेटौंडा, २९ साउनः एकद्वार संकट व्यवस्थापन केन्द्र (ओसीएमसी) बाट ४६ जनाले सेवा लिएका छन् । चालु आर्थिक वर्षको पहिलो महिना नै ४६ जनाले सेवा लिएको ओसीएमसीले जनाएको छ ।

प्राथमिक उपचार तालिम सकियो

हेटौंडा, २८ साउनः युवा रेडक्रस सर्कल हेटौंडा क्याम्पसको आयोजनामा भएको तीन दिने आधारभुत प्राथमिक उपचार तालिम आइतबारबाट सकिएको छ ।

स्वास्थ्य संस्था निर्माण अभियान

हेटौंडा, २४ साउनः मकवानपुर जिल्लाको ईन्द्रसरोवर गाउँपालिका वडा नम्बर २ मा सामुदायिक स्वास्थ्य केन्द्र निर्माणका लागि अभियान सुरु भएको छ । सामान्य स्वास्थ्य सेवाबाट पनि त्यस क्षेत्रका स्थानीय बञ्चित रहेकोले स्वास्थ्य सेवा लिन सहजता होस् भनेर स्वास्थ्य केन्द्र निर्माण गर्न लागिएको हो ।

शिविरमा ३९० जनाको परिक्षण

हेटौंडा, २० साउनः ‘स्वस्थ मुटु, स्वस्थ जीवन, हाम्रो अभियान’ भन्ने नाराका साथ हेटौंडा उपमहानगरपालिका वडा नम्बर ९ मा शनिबार एक दिवसीय निशुल्क मुटु रोग सम्बन्धी परिक्षण शिविर सम्पन्न भएको छ ।



  • राष्ट्रिय योजना आयोगको टोलीसंग छलफल

    हेटौंडा, ३१ साउनः ३ नम्बर प्रदेश सरकारले राष्ट्रिय योजनाका आयोगको टोली संग आज छलफल गरेको छ ।
    राजनीति
    65     समाज संवाददाता
  • युवा कैदीबन्दी र जिम्मेवारी

    अपराधका घटनामा मकवानपुरका युवाहरुको सहभागिता बढी देखिएको छ । २१ वर्षदेखि ३० वर्ष भित्रका युवाहरु बढी मात्रामा लागुपदार्थ प्रयोग तथा कारोबारमा संलग्न भएका छन् भिमफेदी कारागारमा रहेका कैदीबन्दी मध्ये मकवानपुरका सबैभन्दा बढी छन् । ८ सय १० जना कैदीबन्दी मध्ये ३ सय २७ जना त मकवानपुरका छन् ।
    सम्पादकीय
    2     सम्पादकीय
  • मन्त्रीपरिषद्द्वारा ३ कार्यविधि स्विकृत

    हेटौंडा, ३१ साउनः ३ नम्बर प्रदेशको मन्त्रीपरिषद् बैठक बुधबार बसेको छ । वैठकले ३ वटा कार्यविधिलाई स्विकृत गरेको हो ।
    राजनीति
    3     समाज संवाददाता
  • कार्यक्रमको समीक्षा

    हेटौंडा, १४ पुसः नेपाल ग्रामीण पुनर्निर्माण संस्था (आरआरएन) ले सञ्चालन गरिरहेको कार्यक्रमको वार्षिक समीक्षा गरेको छ । जिल्ला समन्वय समिति मकवानपुरको सभाकक्षमा बिहीबार जिल्ला समन्वय समितिकी उपप्रमुख भगवती पुडासैनीको अध्यक्षतामा समीक्षा कार्यक्रम भएको हो । आरआरएनका कार्यक्रम अधिकृत भीम राईले वर्षभर सञ्चालित कार्यक्रमका बारेमा जानकारी गराउनुभएको थियो । किशोर/किशोरीलाई सशक्तीकरण गर्ने गरी आरआरएनले संवाद कार्यक्रम सञ्चालन गरेको छ ।
    समाज
    99     समाज संवाददाता
  • नेपाल पत्रकार महासंघ प्रदेश समिति/ विष्ट नेतृत्वको समितिले सपथ लिए

    मकवानपुरका अग्रज पत्रकार प्रताप विष्टको अध्यक्षतामा निर्वाचित नेपाल पत्रकार महासंघको ३ नम्बर प्रदेश समितिका पदाधिकारी तथा सदस्यहरुले बुधबार हेटौंडामा सपथ ग्रहण गरेका छन् । नेपाल पत्रकार महासंघ मकवानपुरको समन्वयमा भएको कार्यक्रममा ३ नम्बर प्रदेशका मुख्यमन्त्री डोरमणि पौडेलको उपस्थितिमा प्रताप विष्ट नेतृत्वको समितिले सपथ ग्रहण गरेको हो ।
    समाज
    99     समाज संवाददाता हेटौंडा, २७ बैशाखः
  • मोटिभेशनल सेमिनार सम्पन्न

    हेटौंडा, ६ साउनः हेटौंडामा शुक्रबार करियर प्लानिङ मोटिभेशनल सेमिनार भएको छ । नमुना एनिमेटर एण्ड एडोलिसेन्ट नेटवर्क नवयुग एएएसएनको आयोजना कार्यक्रम भएको हो ।
    समाज
    99     समाज संवाददाता
सम्पर्क
समृद्ध समाज दैनिक
मानसचोक, हेटौंडा-२, मकवानपुर
०५७-५२६८३०
URL: www.samridhasamaj.com.np
Email: sambridhasamaj@gmail.com

हाम्रो समुह
सुरेश श्रेष्ठ, सम्पादक, ९८५५०-६८२२७
अमृत चिमरिया, संवाददाता, ९८४५६१४३५४
प्रिया पौडेल, संवाददाता , ९८४५४०२८५८
प्रकाश दाहाल, संवाददाता, ९८५५०३१४६४
विवश अधिकारी, संवाददाता, ९८४५१२५८६५
more...
संचालन तथा प्रायोजनको हक सर्बाधिकार © समृद्ध समाज दैनिक, हेटौंडा २०७४ मा सुरक्षित रहनेछ ।
Powered by: ExNet  
Top