+०५७-५२६८३०, ९८५५०-६८२२७
logo
अर्थ / व्यापार

तरकारीको मूल्यमा दोब्बरले वृद्धि



अर्थ / व्यापार   48 पटक पढिएको   प्रिया पौडेल     
हेटौंडा, ३२ साउनः देशव्यापी रुपमा भएको वर्षँ र तराईको बाढीको बाहानामा मकवानपुरमा तरकारीको मूल्य आकाशिएको छ । एकसाता अघि मात्र सामान्य रहेको तरकारीको मूल्य बाढीको बाहानामा दोब्बरले महङ्गो भएको छ । शुक्रबारदेखि परेको लगातारको वर्षाको कारण मकवानपुरको तरकारी मूल्यमा पनि निकै घटबढ भएको छ । जिल्लाभित्रै उत्पादन हुने तरकारीको पनि मूल्य अस्वभाविक रुपमा दोब्बर वृद्धि भएको छ ।



एकसाता अघि हेटौंडाको तरकारी बजारबाट प्रतिकिलो ४० रुपैयाँमा भिण्डी विक्रि भएको थियो । अहिले हेटौंडाको खोपेगल्लीबाट भिन्डी ८० रुपैयाँ प्रतिकिलोमा विक्रि भईरहेको छ । एक साताअघि २५ रुपैयाँ प्रतिकिलोमा विक्रि भएको प्याज अहिले ६० रुपैयाँ प्रतिकिलोमा विक्रि भईरहेको छ । ५० रुपैयाँ प्रतिकिलोमा विक्रि भएको गोलभेडा अहिले हेटौंडा बजारमा खुद्रा १ सय २० रुपैयाँ प्रतिकिलोमा विक्रि भईरहेको छ । तर, हेटौंडा बजारमा एक सय रुपैयाँ थोक मूल्यमा गोलभेडा विक्रि भईरहेको छ । यसमा पनि थोक मुल्य र खुद्रा मुल्यमा निकै फरक देखिन्छ । व्यापारीले थोक मूल्यभन्दा धेरै मूल्यमा उपभोक्तालाई विक्रि गरिरहेका छन् । हेटौंडा बजारको बसपार्कमा थोक मूल्यमा विक्रि भईरहेको तरकारी बजारको खुद्रामा विक्रि हुँदा ५० प्रतिशत रकममा फरक पर्न आउँछ । जसले गर्दा पनि तरकारीको मूल्यमा निकै फरक देखिएको छ । व्यापारीले मूल्य निर्धारण गरेर विक्रि गर्दा पनि तरकारीको मूल्यमा आवश्यक भन्दा बढी वृद्धि भएको हो ।

हेटौंडा बजारको बसपार्कबाट माछे खुर्सानी थोक मूल्य ६० रुपैयाँ प्रतिकेजी, काँक्रो ४० रुपैयाँ, भेंडे खुर्सानी ६० रुपैयाँ प्रतिकिलो, भण्टा ३० रुपैयाँ प्रतिकिलो, च्याउ १ सय ८० रुपैयाँ प्रतिकिलो रहेको छ । केही समयअघि मात्र ६० रुपैयाँ प्रतिकिलोमा विक्रि भएको काउली अहिले हेटौंडा बजारबाट खुद्रा मूल्य १ सय २० रुपैयाँ प्रतिकिलोमा विक्रि भईरहेको छ । तर, अहिले पनि काउलीको थोक मूल्य ६० रुपैयाँ प्रतिकिलो रहेको नेपाल फलफुल तथा तरकारी व्यवसायी संघका अध्यक्ष खड्ग बहादुर मोक्तानले बताउनुभयो । त्यसैगरी, १० रुपैयाँ प्रतिकिलोमा विक्रि भएको बन्दा अहिले २० रुपैयाँ प्रतिकिलोमा विक्रि भईरहेको छ । अहिले बाहिरी जिल्लाबाट तरकारी आयात नभएको भन्दै अध्यक्ष मोक्तानले मकवानपुरको चित्लाङ, पालुङ, दामन, डाडाँखर्क, कुलेखानी र भिमफेदीबाट तरकारी उत्पादन भई बजारमा आउने गरेको जानकारी दिनुभयो ।

तरकारीको मूल्य वृद्धि हुनुमा मौसम मुख्य कारण भएको उहाँले स्पष्ट पार्नुभयो । बाहिरी जिल्लाबाट तरकारीको माग धेरै भएको र जिल्लामा तरकारी उत्पादन कम भएकोले मूल्यमा वृद्धि भएको उहाँले बताउनुभयो । तरकारीको मूल्यमा अझैं वृद्धि हुने उहाँको भनाई छ । मकवानपुरको उत्पादन बारा, रौतहट, सर्लाही, पोखरा, बुटवल, धादिङ, चितवन, काठमाडौं लगायतका जिल्लाहरुमा निर्यात हुने गरेको छ । अहिले हेटौंडा बजारमा जिल्लाका विभिन्न ठाउँबाट उत्पादन भएको तरकारी दैनिक १० टन आयात हुने गरेकोमा दैनिक ७ टन बाहिरी जिल्लामा निर्यात हुने गरेको अध्यक्ष मोक्तानले जानकारी दिनुभयो । हेटौंडा बजारमा ५ टन तरकारी खपत हुनेमा अहिले ३ टनले पु¥याउनु पर्ने भएकोले पनि तरकारी महङ्गो भएको उहाँले बताउनुभयो ।

तराई डुवानका कारण तरकारी उत्पादन नभएकोले पनि तरकारीको मूल्य आकाशिएको नेपाल फलफुल तथा तरकारी व्यवसायी संघ मकवानपुरका अध्यक्ष खड्ग बहादुर मोक्तानले जानकारी दिनुभयो । यस्तै, उत्पादन भन्दा पनि माग धेरै भएर पनि तरकारीको मूल्यमा धेरै वृद्धि भएको उहाँले बताउनुभयो ।


फोहोर व्यवस्थापन गर्न छलफल 

हेटौंडाः हेटौंडा–१० बसपार्कमा रहेको फलफुल तथा तरकारी बजारबाट निस्किएको फोहोर व्यवस्थापन गर्न हेटौंडा उपमहानगरपालिकासँग छलफल गरिएको छ । फोहोर संकलनमा ढिलाई भएकोले समयमा नै फोहोर संकलन गर्न मंगलबार अनौपचारिक छलफल गरिएको हो ।

५ दिनदेखि फोहोर संकलन नगरेको भन्दै नेपाल फलफुल तथा तरकारी व्यवसायी संघले छलफल गरेको थियो । उपमहानगरपालिकाले फोहोर संकलन नगर्नु र वर्षाका कारण तरकारी बजार अव्यवस्थित बन्दै गएकोले समस्या भएको संघका अध्यक्ष खड्ग बहादुर मोक्तानले जानकारी दिनुभयो । फोहार संकलन गरेबापत हेटौंडा उपमहानगरपालिकाले मासिक १५ हजार रुपैयाँ लिन गरेको छ । छलफलपछि मंगलबार नै पहिलो चरणमा फोहोर उठाईएको छ । आगामी दिनमा दैनिक फोहोर संकलन गर्ने हेटौंडा उपमहानगरपालिकाले उल्लेख गरेको छ ।








सम्बन्धित शिर्षक समाचारहरु
  • मनहरीको आयव्यय ४० करोड ६० लाख

    मनहरीः मनहरी गाउँपालिकाले आर्थिक वर्ष २०७४/७५ का लागि आयव्यय विवरण प्रस्तुत गरेको छ । गाउँपालिकाले ४० करोड ६० लाख ८० हजार रुपैयाँ बराबरको बजेट प्रस्तुत गरेको छ । कुल बजेट मध्ये ३३ करोड ७० लाख ५९ लाख बजेट निकासा भएकोमा २१ करोड १७ लाख ९५ लाख हालसम्म खर्च विभिन्न विकास तथा अन्य खर्च भएको बताइएको छ ।
    स्थानीय तह
    205     समाज संवाददाता
  • दक्षिण कोरिया भ्रमण सफलः मउवासंघ

    हेटौंडाः मकवानपुर उद्योग वाणिज्य संघ (मउवासंघ) का अध्यक्ष कृष्ण कटुवाल नेतृत्वको भ्रमण टोलीले दक्षिण कोरियाको भ्रमण सफल भएको जनाएको छ । मंगलबार भ्रमण बारे जानकारी गराउँदै कृषि क्षेत्रलाई विशेष चासोको रुपमा भ्रमण गरिएको जानकारी गराइएको छ ।
    अर्थ / व्यापार
    8     समाज संवाददाता
  • बँदेलको बच्चासहित २ जना पक्राउ

    हेटौंडाः जिल्ला प्रहरी कार्यालय मकवानपुरले बँदेलको बच्चासहित मंगलबार दूई जनालाई पक्राउ गरेको छ । ईलाका प्रहरी कार्यालय पशुपतिनगरबाट खटेको प्रहरी टोलीले हेटौंडा–१५ स्थित रातोमाटे चेकपोष्टमा सुरक्षाजाँच गर्ने क्रममा अबैध रुपमा प्लास्टिकको बोराभित्र जिउँदो अवस्थामा ६ वटा बँदेलको बच्चा लुकाईछिपाई ल्याईरहेको अवस्थामा पक्राउ गरेको हो ।
    अपराध
    11     समाज संवाददाता
  • मतदाताले छाप परिवर्तन गर्न सिक्नु पर्छः रञ्जु दर्शना

    हेटौंडाः विवेकशिल साझा पार्टीकी केन्द्रीय सदस्य रञ्जु दर्शनाले अब मतदाताले छाप परिर्वतन गर्न सिक्नुपर्ने बताउनुभएको छ । मंगलबार हेटौंडामा विवेकशिल साझा पार्टीले आयोजना गरेको चुनावी कार्यक्रममा दर्शनाले यस्तो बताउनुभएको हो ।
    राजनीति
    999     समाज संवाददाता
  • चौतारीको ध्यानाकर्षण

    समाज संवाददाता हेटौंडा, ८ असोजः रेडियो धादिङ्को भवन भत्काइएको प्रति प्रेस चौतारी मकवानपुरले आफ्नो ध्यानाकर्षण भएको जनाएको छ । धादिङ जिल्लाको पहिलो रेडियो सामुदायिक रेडियो धादिङ १०६ मेगाहर्जमा बिहीबार राती स्थानीय प्रशासन तथा जिल्ला वन कार्यालयको संयुक्त टोलीले डोजर लगाएर भवन भत्काउने कार्य गरेको भन्दै विरोध जनाएको हो ।
    समाज
    99    
  • कृषि नीतिमा परिवर्तनको खाँचो

    नेपाललाई कृषिप्रधान देश भनिए पनि वास्तविकता ठीक विपरित छ । विश्वमा कृषिको आधुनिकीकरण भईरहँदा नेपाल भने खाद्यान्नमा परनिर्भर हुँदै गएको छ । नेपालको कृषि प्राथमिकतामा नपर्नु र दातृ संस्थाको दबाबमा अनुदान हटाइनु कमजोरी पक्ष देखिन्छ । त्यसैले नेपालको कृषि यतिबेला निर्वाहमुखी मात्रै भएको छ ।
    सम्पादकीय
    99     सम्पादकीय
सम्पर्क
समृद्ध समाज दैनिक
मानसचोक, हेटौंडा-२, मकवानपुर
०५७-५२६८३०
URL: www.samridhasamaj.com.np
Email: sambridhasamaj@gmail.com

हाम्रो समुह
सुरेश श्रेष्ठ, सम्पादक, ९८५५०-६८२२७
अमृत चिमरिया, संवाददाता, ९८४५६१४३५४
प्रिया पौडेल, संवाददाता , ९८४५४०२८५८
प्रकाश दाहाल, संवाददाता, ९८५५०३१४६४
विवश अधिकारी, संवाददाता, ९८४५१२५८६५
more...
संचालन तथा प्रायोजनको हक सर्बाधिकार © समृद्ध समाज दैनिक, हेटौंडा २०७४ मा सुरक्षित रहनेछ ।
Powered by: ExNet  
Top