: +०५७-५२६८३०, ९८५५०-६८२२७

खेलकुद


हेटौंडामा आमन्त्रण तेक्वान्दो सुरु

खेलकुद 99 पटक पढिएको


हेटौंडामा आमन्त्रण तेक्वान्दो सुरु


समाज संवाददाता हेटौंडा, २१ साउनः हेटौंडामा शुक्रबारबाट दोस्रो खुला आमन्त्रण तेक्वान्दो प्रतियोगिता सुरु भएको छ । मकवानपुर तेक्वान्दो डोेजाङको आयोजनामा भएको प्रतियोगिताको शुक्रबार हेटौंडा उपमहानगरपालिकाकी उपमेयर मीना लामाले उद्घाटन गर्नुभएको हो ।

प्रतियोगितामा महिला ४६ केजीतर्फ मध्यपृतना हेटौंडाकी सिर्जना थापा मगर र बुटवलकी सरिता श्रेष्ठले अन्तिम दुईमा स्थान बनाउनुभएको थियो । पुरुषतर्फ ५४ केजी समुहमा मध्यपृतना हेटौंडाका भीम लोहार र काठमाडौंका सतिस राईले फाइनल पवेश गर्नुभएको छ । त्यस्तै ५८ केजी तर्फ सुरज श्रेष्ठ, र सुरज थापा मगर फाइनलको यात्रा तय गर्नुभएको छ । महिला तर्फ ५३  केजी समुहमा मध्यपृतना हेडक्वार्टरकी होम कुमारी गुरुङ र आयोजक टिमबाट सनजु तुम्सिङ मगर फाइनलमा छिर्नुभएको छ । प्रतियोगिता अन्तर्गत आज ८ वटा समुहको खेल हुने आयोजक मकवानपुर तेक्वान्दो डोेजाङका प्रमुख रविन जोशीले बताउनुभएको छ । प्रतियोगितामा काठमाडौं, उदयपुर, धादिङ्ग, वुटवल, इटहरी, चितवन, बारा, पर्सा, रौतहट, चितवन, मकवानपुर र मध्यपृतना हेडक्वार्टरको सहभागिता रहेको छ । 

प्रतियोगितामा कुल एकसय ६१ जना खेलाडीले १३ स्वर्णका लागि प्रतिस्पर्धा जारी रहेको छ । जसमा पुरुषतर्फ आठ स्वर्ण र महिलातर्फ पाँच स्वर्णका लागि प्रतिस्पर्धा हुनेछ भने १३ रजत र २६ कास्यका लागि खेलाडी प्रतिसपर्धा गरिरहेका छन् । हेटौंडा फुटसलमा भइरहेको प्रतियोगितामा पुरुष जुनियरतर्फ ३२–३६ केजी तौल समूह, ३६–३९ केजी तौल समूह, ३९–४४ केजी तौल समूह र ४४–४९ केजी तौल समूहका खेलहरु भइरहेका छन् । पुरुष सिनियरतर्फ ५४ केजी, ५८ केजी, ६३ केजी र ६८ केजी तौल समूहमा प्रतिस्पर्धा भइरहेको छ भने महिलातर्फ ४६ केजी, ४९ केजी, ५३ केजी, ५७ केजी र ६२ केजी तौल समूहमा खेलहरु भइरहेको प्रतियोगिताकी संयोजक निरु कुमारी मगरले जानकारी दिनुभएको छ । प्रतियोगिताको उद्घाटन समारोहमा जिल्ला खेलकुद विकास समिति मकवानपुर अध्यक्ष माधव तिमिल्सना, जिल्ला तेक्वान्दो संघ मकवानपुर अध्यक्ष दिलिप राजथला, उपाध्यक्ष अर्जुन खड्का तथा आयोजक डोजाङका प्रशिक्षक तथा प्रतियोगिता संयोजक निरुकुमारी मगरलगायतले मन्तव्य व्यक्त गर्नुभएको थियो ।





कमेन्टसहरु



अन्तर्वार्ता

जनमत पार्टी एकताको पक्षमा ःसिग्देल
सुरेश श्रेष्ठ÷अमृत चिमरिया     72
‘हाम्रा एजेन्डा बकम्फुसे छैनन्’
सुरेश श्रेष्ठ/अमृत चिमरिया     398
खेलाडीलाई अवसर सिर्जना गर्छु
अमृत चिमरिया     639
‘निरन्तरता नै सफलता हो’
अमृत चिमरिया     9190

सम्पादकीय

प्रदेशका लागि अबका चुनौती
सम्पादकीय     20
प्रदेश संरचना व्यवस्थापनको चटारो
सम्पादकीय     23
व्यवसाय दर्ता गरौं
सम्पादकीय     14
राजधानीको लोभ मात्रै
सम्पादकीय     43
समृद्ध समाज दैनिक
मानसचोक, हेटौंडा-२, मकवानपुर
०५७-५२६८३०
URL: www.samridhasamaj.com.np
Email: sambridhasamaj@gmail.com



970672 Times Visited.

  • सुरेश श्रेष्ठ, सम्पादक, ९८५५०-६८२२७
  • अमृत चिमरिया, संवाददाता, ९८४५६१४३५४
  • प्रिया पौडेल, संवाददाता , ९८४५४०२८५८
more...
संचालन तथा प्रायोजनको हक सर्बाधिकार © समृद्ध समाज दैनिक, हेटौंडा २०७४ मा सुरक्षित रहनेछ ।
Design and Develop :
Top