+०५७-५२६८३०, ९८५५०-६८२२७
logo
अर्थ / व्यापार

शहीद स्मारकमा बोटानिकल अर्किड गार्डेन



अर्थ / व्यापार   7 पटक पढिएको        
समाज संवाददाता हेटौंडा, ९ असोजः देशकै नमूना पार्कको रुपमा स्थापित हेटौंडा–११ स्थित शहीद स्मारकमा बोटानिकल अर्किड गार्डेन निर्माण हुने भएको छ । शहीद स्मारक विकास समितिले गार्डेन निर्माणको कार्य चालु आर्थिक वर्षभित्रै पूरा गर्ने जनाएको छ । वनस्पतीशास्त्रको अध्ययन, अनुसन्धानमा समेत सहयोग पुग्ने अपेक्षासहित शहीद स्मारक विकास समितिले अर्को आकर्षणको रुपमा गार्डेन निर्माण गर्ने योजना बनाएको अध्यक्ष डोरमणि पौडेलले जानकारी दिनुभयो ।



 शहीद स्मारक विकास समितिको शनिबार सम्पन्न १२औं परिषद् बैठकलाई सम्बोधन गर्नुहुँदै अध्यक्ष पौडेलले निश्चित स्थान निर्धारण गरी बोटानिकल अर्किड गार्डेन निर्माण गरिने बताउनुभयो ।

यस्तै समितिले एसियाली विकास बैंकको ५० प्रतिशत अनुदान र ५० प्रतिशत सहुलियत ऋणमा भ्यु टावर निर्माण कार्यका विषयमा पनि पहल गर्ने जनाएको छ । पर्यटकलाई आकर्षित गर्न घोडचढीको अवसर समेत रहने गरी एउटा घोडा र सर्वसाधारणको अवलोकनका लागि एकजोडी अष्ट्रिच चरा पनि ल्याइने अध्यक्ष पौडेलले बताउनुभयो । वार्षिक परिषद् बैठकको अवसरमा अध्यक्ष पौडेलले आन्तरिक एवम् बाह्य आम्दानीबाट भएका विकास निर्माण कार्यका बारेमा जानकारी गराउनुभएको थियो । पछिल्लो समय शहीद स्मारकमा बाह्य स्रोतबाट आकर्षक मूलगेट, झोलुङ्गे पुल, पार्किङ क्षेत्र विस्तार, शहीद अध्ययन तथा अनुसन्धान केन्द्र, जेट फाउन्टेन निर्माण भएको जनाएको छ । यस्तै प्रजातान्त्रिक पार्क, पौडी पोखरीको पुनर्निर्माणको कार्य भइरहेको बताइएको छ ।

विभिन्न दातृ निकायबाट शहीद स्मारकलाई सहयोगको दर बढ्दै जानु सकारात्मक रहेको उल्लेख गर्नुहुँदै अध्यक्ष पौडेलले वार्षिक योजनाअनुसारको काम गर्न नसक्नु चुनौतिको विषय भएको बताउनुभयो । शहीद स्मारक विकास समितिका कोषाध्यक्ष मनोज कुमार सुवेदीले आर्थिक अवस्थाका बारेमा जानकारी गराउनुभएको थियो । आर्थिक वर्ष २०७२/७३ सम्ममा शहीद स्मारक विकास समितिसँग १ करोड ६ लाख रुपैयाँ बचत रहेको कोषाध्यक्ष सुवेदीले जानकारी दिनुभयो । आर्थिक वर्ष २०७२/७३ मा आन्तरिक आय ८२ लाख रुपैयाँ र बाह्य आय ७१ लाख रुपैयाँ रहेको जानकारी कोषाध्यक्ष सुवेदीले दिनुभयो । आन्तरिक आयतर्फ पर्यटक प्रवेश शूल्कबाट मात्रै आर्थिक वर्ष २०७२/७३ मा ७० लाख रुपैयाँ आम्दानी भएको छ । यस्तै बाह्य आम्दानीतर्फ सहरी विकास तथा भवन निर्माण विभागबाट प्रजातान्त्रिक पार्क निर्माणका लागि ३८ लाख रुपैयाँ प्राप्त भएको छ ।








सम्बन्धित शिर्षक समाचारहरु
  • राष्ट्रिय योजना आयोगको टोलीसंग छलफल

    हेटौंडा, ३१ साउनः ३ नम्बर प्रदेश सरकारले राष्ट्रिय योजनाका आयोगको टोली संग आज छलफल गरेको छ ।
    राजनीति
    65     समाज संवाददाता
  • युवा कैदीबन्दी र जिम्मेवारी

    अपराधका घटनामा मकवानपुरका युवाहरुको सहभागिता बढी देखिएको छ । २१ वर्षदेखि ३० वर्ष भित्रका युवाहरु बढी मात्रामा लागुपदार्थ प्रयोग तथा कारोबारमा संलग्न भएका छन् भिमफेदी कारागारमा रहेका कैदीबन्दी मध्ये मकवानपुरका सबैभन्दा बढी छन् । ८ सय १० जना कैदीबन्दी मध्ये ३ सय २७ जना त मकवानपुरका छन् ।
    सम्पादकीय
    2     सम्पादकीय
  • मन्त्रीपरिषद्द्वारा ३ कार्यविधि स्विकृत

    हेटौंडा, ३१ साउनः ३ नम्बर प्रदेशको मन्त्रीपरिषद् बैठक बुधबार बसेको छ । वैठकले ३ वटा कार्यविधिलाई स्विकृत गरेको हो ।
    राजनीति
    3     समाज संवाददाता
  • कार्यक्रमको समीक्षा

    हेटौंडा, १४ पुसः नेपाल ग्रामीण पुनर्निर्माण संस्था (आरआरएन) ले सञ्चालन गरिरहेको कार्यक्रमको वार्षिक समीक्षा गरेको छ । जिल्ला समन्वय समिति मकवानपुरको सभाकक्षमा बिहीबार जिल्ला समन्वय समितिकी उपप्रमुख भगवती पुडासैनीको अध्यक्षतामा समीक्षा कार्यक्रम भएको हो । आरआरएनका कार्यक्रम अधिकृत भीम राईले वर्षभर सञ्चालित कार्यक्रमका बारेमा जानकारी गराउनुभएको थियो । किशोर/किशोरीलाई सशक्तीकरण गर्ने गरी आरआरएनले संवाद कार्यक्रम सञ्चालन गरेको छ ।
    समाज
    99     समाज संवाददाता
  • नेपाल पत्रकार महासंघ प्रदेश समिति/ विष्ट नेतृत्वको समितिले सपथ लिए

    मकवानपुरका अग्रज पत्रकार प्रताप विष्टको अध्यक्षतामा निर्वाचित नेपाल पत्रकार महासंघको ३ नम्बर प्रदेश समितिका पदाधिकारी तथा सदस्यहरुले बुधबार हेटौंडामा सपथ ग्रहण गरेका छन् । नेपाल पत्रकार महासंघ मकवानपुरको समन्वयमा भएको कार्यक्रममा ३ नम्बर प्रदेशका मुख्यमन्त्री डोरमणि पौडेलको उपस्थितिमा प्रताप विष्ट नेतृत्वको समितिले सपथ ग्रहण गरेको हो ।
    समाज
    99     समाज संवाददाता हेटौंडा, २७ बैशाखः
  • मोटिभेशनल सेमिनार सम्पन्न

    हेटौंडा, ६ साउनः हेटौंडामा शुक्रबार करियर प्लानिङ मोटिभेशनल सेमिनार भएको छ । नमुना एनिमेटर एण्ड एडोलिसेन्ट नेटवर्क नवयुग एएएसएनको आयोजना कार्यक्रम भएको हो ।
    समाज
    99     समाज संवाददाता
सम्पर्क
समृद्ध समाज दैनिक
मानसचोक, हेटौंडा-२, मकवानपुर
०५७-५२६८३०
URL: www.samridhasamaj.com.np
Email: sambridhasamaj@gmail.com

हाम्रो समुह
सुरेश श्रेष्ठ, सम्पादक, ९८५५०-६८२२७
अमृत चिमरिया, संवाददाता, ९८४५६१४३५४
प्रिया पौडेल, संवाददाता , ९८४५४०२८५८
प्रकाश दाहाल, संवाददाता, ९८५५०३१४६४
विवश अधिकारी, संवाददाता, ९८४५१२५८६५
more...
संचालन तथा प्रायोजनको हक सर्बाधिकार © समृद्ध समाज दैनिक, हेटौंडा २०७४ मा सुरक्षित रहनेछ ।
Powered by: ExNet  
Top