+०५७-५२६८३०, ९८५५०-६८२२७
logo
मनोरञ्जन

‘प्रेमगीत २’ हाउसफुल



मनोरञ्जन   18 पटक पढिएको   समाज संवाददाता     
हेटौंडाः शुक्रबार रिलिज भएको ‘प्रेमगीत २’ हेर्ने दर्शकले हेटौंडाको हलहरु हाउसफुल भएका छन् । निर्माता सन्तोष सेनको ‘प्रेमगीत २’ शुक्रबार रिलिज भएपछि पहिलो शुक्रबार र शनिबार दुई दिन नै हाउसफुल भएको ओम्याक्स सिनेमाका प्रविण केसीले बताउनुभएको छ । हेटौंडाको ओम्याक्स सिनेमाको एउटा स्क्रिन र एनएस सिनेमाको दुईवटै स्क्रिन शुक्रबार र शनिबार दुई दिन नै हाउसफुल रह्यो । गत वर्षको सुपरहिट चलचित्र ‘प्रेमगीत’ को सिक्वेलको रुपमा बनाइएको ‘प्रेमगीत २’ देशभर मन पराइएको खबर आएको छ ।

‘प्रेमगीत २’ हाउसफुल


केसीका अनुसार शनिबार बिहान हाउसफुल भएपछि दिउँसोको शोका लागि पनि अग्रिम बुकिङ आक्रामक भएको थियो । शनिबार दिउँसो सोको लागि आधा भन्दा बढि अग्रिम बुकिङ भएको थियो । नारायणी मलस्थित एनएस सिनेमाको दुई वटा हल पनि हाउस फुल रह्यो । शनिबार बिहान दर्शकलाई फर्काउनु परेको एनएस सिनेमाका किशोर पौडेलले जानकारी दिए । शुक्रबार र शनिबारको भीड आक्रामक रहे पनि आईतबार, सोमबार राम्रा चलचित्रले पनि दर्शक नपाउनु चिन्ताको विषय भएको चलचित्र वितरक नरेन्द्र महर्जनको चिन्ता छ । ‘चलचित्र राम्रा हुन्छन्, तर, शुक्रबार र शनिबार बाहेक अन्य दिन क्रमशः दर्शकको फ्लो घट्दै जानु चिन्ताको विषय हो’, महर्जनले भन्नुभयो । यद्यपि पछिल्लो समय नेपाली चलचित्रमा दर्शकको उपस्थिति बढ्नु सन्तोषजनक रहेको बताउनुभयो ।

प्रेमगीत २ ले प्रेम कथालाई मात्रै प्रस्तुत गरेको छैन । नेपाली भाषीको अन्तर्राष्ट्रिय उपस्थिति र साखको विषयलाई पनि गम्भीरताका साथ उठाएको छ । प्रेम गीत कै नायक प्रदीप खड्काले सिक्वेलमा निरन्तरता पाए पनि नायिका भने अश्लेषा ठकुरीलाई अवसर दिइएको छ । अश्लेषा (गीत) नेपाली भाषी बर्मेली हुन्छिन् । अध्ययनका लागि थाइल्याण्डमा काकासम्ग बस्दै आएकी गीतले सानैमा अभिभावक गुनाएकी हुन्छिन् । आमाको माया हजुर आमा (शुभद्रा अधिकारी) ले दिएकी हुन्छिन् । पुराना कलाकार शुभद्रा अधिकारीसहितका कलाकारले प्रेम गीत २ मा अभिनय पक्षलाई गहकिलो समेत बनाएको छ । म्यानमारमा रहेकी हजुरआमासम्ग बाल्यकाल बिताउँदा हजुरआमासँग नेपालका विभिन्न सन्दर्भ सुनेकी गीतले उच्च शिक्षा अध्ययनका लागि थाइल्याण्ड पुगेपछि आफ्नो मुलुक घुम्ने, पुर्खाको पुरानो थलो हेर्ने व्यग्र इच्छा राख्छिन् । काका र हजुरआमाले समेत साथ नदिँदा थाइल्याण्डबाट भागेर गीत नेपाल प्रवेश गर्छिन् । चलचित्रको पहिलो हाफ नेपालकै सुन्दर क्षेत्रमा चलचित्रको सुन्दर कथा समेटिएको छ । 

दोस्रो हाफ थाइल्याण्डकै सुन्दरतामा प्रेम र गीतको जटिल प्रेम कथा हेर्न लायक छ । नेपालीले थाइल्याण्ड पुगेर म्यानमार र थाइल्याण्डमै रहेका नेपाली भाषीसँगको सम्बन्धमा देखिएका समस्याको सुन्दर कथानक दोस्रो हाफमा प्रस्तुत गरिएको छ । प्रेमगीतमा जस्तै प्रेमगीत २ मा पनि प्रमुख पात्रको दुखान्त अन्त्य हुन्छ कि भन्ने कौतुहलता अधिकांश दर्शकको रहन्छ नै । विदेशलाई पनि नेपाली कथामा सार्थकताका साथ प्रस्तुत गर्न प्रेमगीत २ सफल छ । गीतकी काकाको अभिनय र प्रेमका बुबाको अभिनय स्फूर्त लाग्दैन । दुई युवाको प्रेम सन्दर्भलाई सहज ढंगले प्रस्तुत गरिएको, प्रेममा देखा पर्ने द्वन्द्वलाई सहज र सान्दर्भिक ढंगले प्रस्तुत गर्नु चलचित्रको सवल पक्ष बनेको छ । सहायक पात्रहरुको भूमिका पनि सहज र सुन्दर छ । प्रेमको कलाकारिता निखारिएकै छ । निर्माता सन्तोष सेन नै खलपात्रको भूमिकामा देखिएका छन् । उनको अभिनय चित्त बुझ्दो छैन । आशुसेन फिल्मस्को व्यानरमा बनेको फिल्म ‘प्रेमगीत २’ लाई रामशरण पाठकले निर्देशन गरेका छन् ।








सम्बन्धित शिर्षक समाचारहरु
  • राष्ट्रिय योजना आयोगको टोलीसंग छलफल

    हेटौंडा, ३१ साउनः ३ नम्बर प्रदेश सरकारले राष्ट्रिय योजनाका आयोगको टोली संग आज छलफल गरेको छ ।
    राजनीति
    65     समाज संवाददाता
  • युवा कैदीबन्दी र जिम्मेवारी

    अपराधका घटनामा मकवानपुरका युवाहरुको सहभागिता बढी देखिएको छ । २१ वर्षदेखि ३० वर्ष भित्रका युवाहरु बढी मात्रामा लागुपदार्थ प्रयोग तथा कारोबारमा संलग्न भएका छन् भिमफेदी कारागारमा रहेका कैदीबन्दी मध्ये मकवानपुरका सबैभन्दा बढी छन् । ८ सय १० जना कैदीबन्दी मध्ये ३ सय २७ जना त मकवानपुरका छन् ।
    सम्पादकीय
    2     सम्पादकीय
  • मन्त्रीपरिषद्द्वारा ३ कार्यविधि स्विकृत

    हेटौंडा, ३१ साउनः ३ नम्बर प्रदेशको मन्त्रीपरिषद् बैठक बुधबार बसेको छ । वैठकले ३ वटा कार्यविधिलाई स्विकृत गरेको हो ।
    राजनीति
    3     समाज संवाददाता
  • कार्यक्रमको समीक्षा

    हेटौंडा, १४ पुसः नेपाल ग्रामीण पुनर्निर्माण संस्था (आरआरएन) ले सञ्चालन गरिरहेको कार्यक्रमको वार्षिक समीक्षा गरेको छ । जिल्ला समन्वय समिति मकवानपुरको सभाकक्षमा बिहीबार जिल्ला समन्वय समितिकी उपप्रमुख भगवती पुडासैनीको अध्यक्षतामा समीक्षा कार्यक्रम भएको हो । आरआरएनका कार्यक्रम अधिकृत भीम राईले वर्षभर सञ्चालित कार्यक्रमका बारेमा जानकारी गराउनुभएको थियो । किशोर/किशोरीलाई सशक्तीकरण गर्ने गरी आरआरएनले संवाद कार्यक्रम सञ्चालन गरेको छ ।
    समाज
    99     समाज संवाददाता
  • नेपाल पत्रकार महासंघ प्रदेश समिति/ विष्ट नेतृत्वको समितिले सपथ लिए

    मकवानपुरका अग्रज पत्रकार प्रताप विष्टको अध्यक्षतामा निर्वाचित नेपाल पत्रकार महासंघको ३ नम्बर प्रदेश समितिका पदाधिकारी तथा सदस्यहरुले बुधबार हेटौंडामा सपथ ग्रहण गरेका छन् । नेपाल पत्रकार महासंघ मकवानपुरको समन्वयमा भएको कार्यक्रममा ३ नम्बर प्रदेशका मुख्यमन्त्री डोरमणि पौडेलको उपस्थितिमा प्रताप विष्ट नेतृत्वको समितिले सपथ ग्रहण गरेको हो ।
    समाज
    99     समाज संवाददाता हेटौंडा, २७ बैशाखः
  • मोटिभेशनल सेमिनार सम्पन्न

    हेटौंडा, ६ साउनः हेटौंडामा शुक्रबार करियर प्लानिङ मोटिभेशनल सेमिनार भएको छ । नमुना एनिमेटर एण्ड एडोलिसेन्ट नेटवर्क नवयुग एएएसएनको आयोजना कार्यक्रम भएको हो ।
    समाज
    99     समाज संवाददाता
सम्पर्क
समृद्ध समाज दैनिक
मानसचोक, हेटौंडा-२, मकवानपुर
०५७-५२६८३०
URL: www.samridhasamaj.com.np
Email: sambridhasamaj@gmail.com

हाम्रो समुह
सुरेश श्रेष्ठ, सम्पादक, ९८५५०-६८२२७
अमृत चिमरिया, संवाददाता, ९८४५६१४३५४
प्रिया पौडेल, संवाददाता , ९८४५४०२८५८
प्रकाश दाहाल, संवाददाता, ९८५५०३१४६४
विवश अधिकारी, संवाददाता, ९८४५१२५८६५
more...
संचालन तथा प्रायोजनको हक सर्बाधिकार © समृद्ध समाज दैनिक, हेटौंडा २०७४ मा सुरक्षित रहनेछ ।
Powered by: ExNet  
Top