+०५७-५२६८३०, ९८५५०-६८२२७
logo
स्थानीय तह

निर्वाचन सर्ने सोचेकै छैनौंः यादव



स्थानीय तह   28 पटक पढिएको        
अमृत चिमरीया हेटौंडा, ३० चैत्रः निर्वाचन आयोगका प्रमुख आयुक्त अयोधीप्रसाद यादवले निर्वाचन सर्ने वा सार्ने सोच्दै नसोचेको बताउनुभएको छ । मंगलबार हेटौंडामा पत्रकारहरुसँग कुरा गर्दै यादवले निर्वाचनको तयारी तीव्र रुपमा भइरहेको बताउनुभएको छ । राजनीतिक दल र सरकारको पनि सहयोग रहेकोले तोकिएकै मितिमा निर्वाचन हुनेमा कुनै शंका नरहेको बताउनुभएको छ ।




प्रमुख आयुक्त यादवले निर्वाचन आयोग सम्पुर्ण प्रतिबद्धतासहित तीव्र रुपमा मतदान केन्द्र लक्षित रहेको भन्दै ६० जिल्लाको मतदान पत्र छापिसकेको बताउनुभएको छ । उहाँले निर्वाचन दुई चरणमा नहुने स्पष्ट पार्दै आयोगले एकै चरणको निर्वाचनको नै तयारी गरेको बताउनुभएको थियो । निर्वाचन अधिकृत, मतदान शिक्षा स्वयम्सेवक लगायतका विभिन्न तालिमहरु सञ्चालन भइरहेको भन्दै उहाँले सप्तरी जिल्ला बाहेक अन्य जिल्लाहरुको मतदान केन्द्र समेत सिफारिस भइसकेको बताउनुभएको छ । मतदाता नामावली जिल्लागत रुपमा तयार भइरहेकोले नामावली देशभरी कै एकैदिन प्रकाशन हुने बताउनुभयो । सुरक्षाको विषयमा आयोग सजग रहेको भन्दै यादवले व्यवहारिक रुपमा नै लागु हुने गरी सुरक्षाको व्यवस्था मिलाइएको बताउँदै यादवले मतदानको समयमा हुन सक्ने महिला हिंसा पनि रोक्ने तयारी रहेको बताउनुभएको छ ।

मंगलबार हेटौंडामा तालिमरत निर्वाचन अधिकृतहरुलाई निर्देशन दिन आउनुभएका यादवले आफ्ना केहि मागहरु बोकेर चुनावको विरोध गरिरहेका मधेस केन्द्रित दलहरु पनि चुनावमा आउने विश्वास व्यक्त गर्नुभयो । चुनाव चिन्हमा रहेको विवादको विषयमा स्पष्ट पार्नुहुँदै यादवले ऐन अनुसार २०७० सालको संविधानसभाको चुनावमा सहभागीले त्यही चुनाव चिन्ह प्रयोग गर्नुपर्ने अन्यथा स्वतन्त्र रुपमा उठेर स्वतन्त्र चुनाव चिन्ह प्रयोग गर्न पाइने बताउनुभएको छ । उहाँका अनुसार गत संविधान सभाको निर्वाचनमा भएको ५ प्रतिशत बदर मतलाई २ प्रतिशतमा झार्ने लक्ष्य रहेको छ । मंगलबारबाट मकवानपुर र सर्लाहीका निर्वाचन अधिकृतहरुको तालिम सम्पन्न भएको छ । आज बुधबारबाट धुनषा र महोत्तरीका  ३४ जना निर्वाचन अधिकृतहरुको तालिम हेटौंडामा सुरु हुनेछ ।








सम्बन्धित शिर्षक समाचारहरु
  • मनहरीको आयव्यय ४० करोड ६० लाख

    मनहरीः मनहरी गाउँपालिकाले आर्थिक वर्ष २०७४/७५ का लागि आयव्यय विवरण प्रस्तुत गरेको छ । गाउँपालिकाले ४० करोड ६० लाख ८० हजार रुपैयाँ बराबरको बजेट प्रस्तुत गरेको छ । कुल बजेट मध्ये ३३ करोड ७० लाख ५९ लाख बजेट निकासा भएकोमा २१ करोड १७ लाख ९५ लाख हालसम्म खर्च विभिन्न विकास तथा अन्य खर्च भएको बताइएको छ ।
    स्थानीय तह
    205     समाज संवाददाता
  • दक्षिण कोरिया भ्रमण सफलः मउवासंघ

    हेटौंडाः मकवानपुर उद्योग वाणिज्य संघ (मउवासंघ) का अध्यक्ष कृष्ण कटुवाल नेतृत्वको भ्रमण टोलीले दक्षिण कोरियाको भ्रमण सफल भएको जनाएको छ । मंगलबार भ्रमण बारे जानकारी गराउँदै कृषि क्षेत्रलाई विशेष चासोको रुपमा भ्रमण गरिएको जानकारी गराइएको छ ।
    अर्थ / व्यापार
    8     समाज संवाददाता
  • बँदेलको बच्चासहित २ जना पक्राउ

    हेटौंडाः जिल्ला प्रहरी कार्यालय मकवानपुरले बँदेलको बच्चासहित मंगलबार दूई जनालाई पक्राउ गरेको छ । ईलाका प्रहरी कार्यालय पशुपतिनगरबाट खटेको प्रहरी टोलीले हेटौंडा–१५ स्थित रातोमाटे चेकपोष्टमा सुरक्षाजाँच गर्ने क्रममा अबैध रुपमा प्लास्टिकको बोराभित्र जिउँदो अवस्थामा ६ वटा बँदेलको बच्चा लुकाईछिपाई ल्याईरहेको अवस्थामा पक्राउ गरेको हो ।
    अपराध
    11     समाज संवाददाता
  • मतदाताले छाप परिवर्तन गर्न सिक्नु पर्छः रञ्जु दर्शना

    हेटौंडाः विवेकशिल साझा पार्टीकी केन्द्रीय सदस्य रञ्जु दर्शनाले अब मतदाताले छाप परिर्वतन गर्न सिक्नुपर्ने बताउनुभएको छ । मंगलबार हेटौंडामा विवेकशिल साझा पार्टीले आयोजना गरेको चुनावी कार्यक्रममा दर्शनाले यस्तो बताउनुभएको हो ।
    राजनीति
    999     समाज संवाददाता
  • चौतारीको ध्यानाकर्षण

    समाज संवाददाता हेटौंडा, ८ असोजः रेडियो धादिङ्को भवन भत्काइएको प्रति प्रेस चौतारी मकवानपुरले आफ्नो ध्यानाकर्षण भएको जनाएको छ । धादिङ जिल्लाको पहिलो रेडियो सामुदायिक रेडियो धादिङ १०६ मेगाहर्जमा बिहीबार राती स्थानीय प्रशासन तथा जिल्ला वन कार्यालयको संयुक्त टोलीले डोजर लगाएर भवन भत्काउने कार्य गरेको भन्दै विरोध जनाएको हो ।
    समाज
    99    
  • कृषि नीतिमा परिवर्तनको खाँचो

    नेपाललाई कृषिप्रधान देश भनिए पनि वास्तविकता ठीक विपरित छ । विश्वमा कृषिको आधुनिकीकरण भईरहँदा नेपाल भने खाद्यान्नमा परनिर्भर हुँदै गएको छ । नेपालको कृषि प्राथमिकतामा नपर्नु र दातृ संस्थाको दबाबमा अनुदान हटाइनु कमजोरी पक्ष देखिन्छ । त्यसैले नेपालको कृषि यतिबेला निर्वाहमुखी मात्रै भएको छ ।
    सम्पादकीय
    99     सम्पादकीय
सम्पर्क
समृद्ध समाज दैनिक
मानसचोक, हेटौंडा-२, मकवानपुर
०५७-५२६८३०
URL: www.samridhasamaj.com.np
Email: sambridhasamaj@gmail.com

हाम्रो समुह
सुरेश श्रेष्ठ, सम्पादक, ९८५५०-६८२२७
अमृत चिमरिया, संवाददाता, ९८४५६१४३५४
प्रिया पौडेल, संवाददाता , ९८४५४०२८५८
प्रकाश दाहाल, संवाददाता, ९८५५०३१४६४
विवश अधिकारी, संवाददाता, ९८४५१२५८६५
more...
संचालन तथा प्रायोजनको हक सर्बाधिकार © समृद्ध समाज दैनिक, हेटौंडा २०७४ मा सुरक्षित रहनेछ ।
Powered by: ExNet  
Top